ஐயோ… 17 வயது சிறுமிக்கு நேர்ந்த கொடூரம்… கியூட்டி இல்லை… நான் புரட்சி… வீதியில் போராட்டத்தில் இறங்கிய மாணவிகள்… டெல்லியில் பரபரப்பு சம்பவம்… இணையத்தில் வீடியோ வைரல்…!

டெல்லியின் கல்காஜி பகுதியில் 17 வயது சிறுமி ஒருவர் கூட்டுப் பாலியல் வன்கொடுமைக்கு ஆளாக்கப்பட்ட சம்பவத்தைத் தொடர்ந்து, டெல்லி பல்கலைக்கழகத்தைச் சேர்ந்த பெண் மாணவிகள் தீவிரப் போராட்டத்தில் ஈடுபட்டுள்ளனர். மிராண்டா ஹவுஸ், எல்.எஸ்.ஆர், கார்கி போன்ற பல்வேறு முன்னணி கல்லூரிகளைச் சேர்ந்த மாணவிகள் திரண்டு, பெண்களின் பாதுகாப்பு மற்றும் சுதந்திரத்தை வலியுறுத்திப் பேரணிகளை நடத்தி வருகின்றனர். “நாங்கள் சுதந்திரமான பெண்கள்” என்ற முழக்கத்துடன் வீதிகளில் இறங்கியுள்ள அவர்கள், இந்த கொடூர சம்பவத்திற்கு எதிராகவும், பெண்களுக்கு எதிரான வன்முறைகளுக்கும் தங்களது கடுமையான எதிர்ப்பைப் பதிவு செய்து வருகின்றனர்.

இந்த போராட்டத்தின் போது மாணவிகள் ஏந்திப் பிடித்த பதாகைகளும், அவர்கள் எழுப்பிய முழக்கங்களும் சமூக வலைதளங்களில் பெரும் வைரலாகி வருகின்றன. “நான் கியூட்டி இல்லை, புரட்சி” , “பாலியல் குற்றவாளிகளைச் சிறையில் அடையுங்கள், பெண்களின் சுதந்திரத்தை முடக்காதீர்கள்” மற்றும் “மகளின் இருப்பிடத்தைக் கண்காணிப்பதற்குப் பதிலாக, மகனின் எண்ணத்தைச் செக் பண்ணுங்கள்” போன்ற வாசகங்கள் அடங்கிய பதாகைகள் மக்களின் கவனத்தை ஈர்த்துள்ளன. அத்துடன், பெண் அடக்குமுறைகளுக்கு எதிராகவும், பெண்களின் அடிப்படை உரிமைகளை வலியுறுத்தியும் அவர்கள் உரக்கக் குரல் கொடுத்துள்ளனர்.

சமூகத்தில் நிலவும் பழமைவாதக் கருத்துகளையும், பாலியல் அச்சுறுத்தல்களுக்குப் பெண்களையே பொறுப்பாக்கும் மனநிலையையும் எதிர்த்துப் போராட்டக்காரர்கள் கேள்வி எழுப்பியுள்ளனர். 2012-ஆம் ஆண்டு நடந்த நிர்பயா சம்பவத்திற்குப் பிறகும் சூழல் மாறவில்லை என்பதைச் சுட்டிக்காட்டியுள்ள மாணவிகள், நகைச்சுவை மற்றும் கவித்துவமான வாசகங்கள் மூலமாகவும் தங்களது எதிர்ப்பைப் பதிவு செய்துள்ளனர். வெறும் இன்ஸ்டாகிராம் ரீல்ஸ் செய்வதற்காக அல்லாமல், உண்மையான சமூக மாற்றத்திற்காகவும் பெண்களுக்கான பாதுகாப்பு சூழ்நிலையை உருவாக்கவுமே நாங்கள் போராடுகிறோம் என மாணவிகள் உறுதியளித்துள்ளனர்.