அடச்சீ… நீயெல்லாம் மனுஷனா… ரோட்டில் பெற்ற மகனையே… கொடூரமாக தாக்கிய தந்தை… கதறிய குழந்தை… கொந்தளித்த நெட்டிசென்கள்…!

குடிமல்காப்பூர் பிவிஎன்ஆர் விரைவுச் சாலையின் தூண் எண் 104 அருகே, குடும்பத் தகராறு காரணமாக சல்மான் (25) என்பவர் தனது நான்கு வயது மகன் அர்மானை எந்தக் காரணமும் இன்றி கொடூரமாகத் தாக்கியுள்ளார். ஆத்திரமடைந்த தந்தை, சிறுவனின் தலையைச் சாலையோரத் தூணில் பலமாக மோதி, உயரே தூக்கித் தரையில் வீசியதுடன், அவ்வழியே வந்த லாரியின் அடியில் வீசவும் முயன்றுள்ளார். இந்தத் கொடூரமான தாக்குதலில் பலத்த காயமடைந்த சிறுவனை அப்பகுதி மக்கள் உடனடியாக மீட்டு மருத்துவமனையில் அனுமதித்தனர். தற்போது அச்சிறுவனின் நிலைமை மிகவும் கவலைக்கிடமாக உள்ளது.

இச்சம்பவம் குறித்து காலை 7:29 மணிக்கே ‘டயல் 100’ மூலம் காவல்துறைக்குத் தகவல் தெரிவிக்கப்பட்ட போதிலும், காவல் நிலையம் சம்பவ இடத்திலிருந்து வெறும் இரண்டு கிலோமீட்டர் தொலைவில் இருந்தும் அதிகாரிகள் காலை 8:35 மணிக்கு, அதாவது ஒரு மணி நேரம் தாமதமாகவே வந்து சேர்ந்துள்ளனர். இவ்வளவு பெரிய அசம்பாவிதம் நடக்கும் போது காவல்துறை அலட்சியமாகச் செயல்பட்டுத் தாமதமாக வந்ததாகக் கூறி, அப்பகுதி பொதுமக்கள் காவல்துறையினர் மீது கடும் ஆத்திரமும் கொந்தளிப்பும் அடைந்தனர்.

சிறுவன் அர்மானைக் கொடூரமாகத் தாக்கி அவனது உயிருக்கு ஆபத்தை ஏற்படுத்திய தந்தை சல்மானைப் பொதுமக்கள் சம்பவ இடத்திலேயே மடக்கிப் பிடித்துப் பிணைத்தனர். பின்னர், தாமதமாகச் சம்பவ இடத்திற்கு வந்த காவல்துறையினரிடம் குற்றவாளிய ஒப்படைத்தனர். இச்சம்பவம் தொடர்பாகக் வழக்குப் பதிவு செய்துள்ள காவல்துறையினர், சல்மானைக் கைது செய்து தீவிர விசாரணை மேற்கொண்டு வருகின்றனர்.