ரேஷன் கார்டு தொலைந்தாலும் கவலையில்லை… நீங்களும் பொங்கல் பரிசு வாங்கலாம்… எப்படி தெரியுமா,..?

உணவு வழங்கல் துறை அதிகாரிகள் வெளியிட்டுள்ள தகவல்படி, தங்கள் ரேஷன் கார்டு தொலைந்து போனவர்களும் அல்லது புதிய ரேஷன் கார்டு நகலுக்காக விண்ணப்பித்து காத்திருப்பவர்களும் பொங்கல் பரிசைப் பெற்றுக்கொள்ளலாம். இந்தத் தளர்வு, தகுதியுள்ள பயனாளிகள் பண்டிகை காலப் பரிசினைத் தவறாமல் பெற உதவும்.

இதன்படி, அத்தியாவசியப் பொருட்கள் வழங்கும் கடைகளில், ரேஷன் கார்டு ஜெராக்ஸ் பிரதி அல்லது கார்டு எண் இருந்தால் போதுமானது. அங்குள்ள பாயிண்ட் ஆஃப் சேல் (PoS) கருவியில் கார்டைச் ஸ்கேன் செய்வதற்குப் பதிலாக, கார்டு எண்ணைப் பதிவு செய்து, பயனாளியின் கை ரேகை வாயிலாக ஆதார் அட்டை சரிபார்க்கப்பட்டு, அவர்களுக்குரிய பொங்கல் பரிசு வழங்கப்படும்.