அடுத்த பரபரப்பு… அதிமுகவில் இருந்து இபிஎஸ் நீக்கம்?… செங்கோட்டையனுடன் கைகோர்க்கும் சசிகலா, ஒபிஎஸ்…!

தமிழகத்தில் 2026 ஆம் ஆண்டு சட்டமன்ற தேர்தல் நெருங்கிக் கொண்டிருக்கும் சூழலில் அனைத்து அரசியல் கட்சிகளும் தீவிரமாக தேர்தல் பணியில் ஈடுபட்டு வருகின்றன. அதே சமயம் கூட்டணி குறித்த பேச்சு வார்த்தையும் மும்முரமாக நடந்து கொண்டிருக்கிறது. இதனிடையே பாஜகவுடன் அதிமுக கூட்டணி வைத்துள்ள நிலையில் கட்சி நிர்வாகிகள் பலரும் இபிஎஸ் மீது அதிருப்தியில் உள்ளனர்.

அதன் வெளிப்பாடாக நேற்று முன்தினம்  செங்கோட்டையன் இபிஸ்க்கு எதிராக திரும்பி அதிமுகவில் இருந்து பிரிந்து சென்றவர்களை மீண்டும் இணைக்க வேண்டும் என பத்து நாட்கள் கெடு விதித்திருந்தார். இதனைத் தொடர்ந்து இபிஎஸ் நேற்று ஆலோசனை நடத்தி செங்கோட்டையனை அதிமுகவில் இருந்து அதிரடியாக நீக்கி உள்ளார்.  அதிமுகவில் இருந்து  நிர்வாகிகள் அடுத்தடுத்து விலகி வருவதால் பெரும் பரபரப்பான சூழல் நிலவி வருகிறது.

இந்நிலையில் அதிமுக பொறுப்புகளில் இருந்து செங்கோட்டையை நீக்கப்பட்டதால் அவரை பெங்களூரு புகழேந்தி நேரில் சந்தித்தார். பிறகு பேசிய அவர், இபிஎஸ்ஐ கட்சியிலிருந்து நாங்கள் நீக்குவோம் என்றார். இதனிடையே செங்கோட்டை எனக்கு ஆதரவாக சசிகலா மற்றும் ஓபிஎஸ் விரைவில் அவரை சந்திக்க உள்ளதாக தகவல் வெளியாகி உள்ளது. முன்னதாக தான் கூறியது போல ஒருங்கிணைப்பு பணி தொடரும் என செங்கோட்டையன் திட்டவட்டமாக கூறியிருந்தார்.