சிவகங்கை மாவட்டம் திருப்புவன காவல் நிலையத்தில் காவலர்கள் தாக்கியதில் காவலாளி அஜித்குமார் மரணமடைந்தார் . இதனையடுத்து அவருடைய குடும்பத்தினருக்கு செல்போன் அழைப்பு மூலமாக அதிமுக பொதுச் செயலாளர் எடப்பாடி பழனிச்சாமி அவர்கள் ஆரில் கூறியுள்ளார். அதாவது அவர் பேசியதாவது, “துரதிஷ்டவசமாக சில மனித மிருகங்கள் கடுமையாக தாக்கியதில் உங்கள் மகன் உயிரிழந்துவிட்டார். தைரியமாக இருங்கள். உங்களுக்கு நீதி கிடைக்கும் வரை அதிமுக உங்களுக்கு துணை நிற்கும். நாங்களும் துணை நிற்போம்.
இது மீள முடியாத துயரம். ஒரு தாய் தன்னுடைய மகனை இழப்பது என்பது கொடுமையானது. இது யாராலும் மன்னிக்க முடியாது. பெற்ற தாய்க்கு மட்டுமே அதனுடைய வலி தெரியும். உங்களுக்கு எவ்வளவு ஆறுதல் சொன்னாலும் அது ஈடாகாது. நீங்கள் மனம் தளராமல் இருந்தால் தான் வீட்டில் உள்ளவர்களும் மனநிம்மதியோடு இருப்பார்கள். நீதிமன்றத்தில் அதிமுக சார்பாக வழக்கு தொடர்ந்து இருக்கிறோம். நீதிமன்றத்தின் மூலம் நீதி நிலைநாட்டப்படும். உங்களுக்கு நியாயம் கிடைக்கும்” என்று கூறியுள்ளார்.