அடச்சீ… நீங்கயெல்லாம் மனுஷங்களா… அவன் செத்தா செத்துட்டு போறான்… தூக்கி எறிடா… நடுரோட்டில் வாலிபரை அடித்து நொறுக்கி… சாக்கடையில் வீசிய போதை ஆசாமிகள்… அலற வைக்கும் பகீர் வீடியோ…!

உத்தரப் பிரதேச மாநிலம் காசியாபாத்தில் உள்ள பஹராம்பூர் பகுதியில், மதுபானக் கடைக்கு வெளியே இளைஞர் ஒருவர் கொடூரமாகத் தாக்கப்பட்டு, கழிவுநீர் கால்வாயில் தள்ளிவிடப்பட்ட அதிர்ச்சி சம்பவம் நடந்துள்ளது. இந்த அராஜகச் சம்பவத்தை அங்கிருந்தவர்கள் சிலர் வீடியோவாகப் பதிவு செய்து சமூக வலைத்தளங்களில் பகிர, அந்த வீடியோ இணையத்தில் வைரலாகி பெரும் பரபரப்பையும் அதிர்ச்சியையும் ஏற்படுத்தியது.

சம்பவத்தன்று மதுபானக் கடைக்கு அருகே நின்று கொண்டிருந்த இளைஞர்களுக்கு இடையே திடீரென தகராறு ஏற்பட்டுள்ளது. அப்போது போதையில் இருந்த நபர்கள், ஒரு இளைஞரைத் தொடர்ச்சியாகத் தாக்கி, பின்னர் அவரை பலவந்தமாகத் தள்ளி அருகிலிருந்த சாக்கடை/கழிவுநீர் கால்வாயில் வீசியுள்ளனர். அங்கு பலர் வேடிக்கை பார்த்துக் கொண்டிருந்த போதிலும், எவரும் அவரைத் தடுக்கவோ அல்லது காப்பாற்றவோ முன்வரவில்லை என்பது வீடியோவில் தெரியவந்துள்ளது.

இச்சம்பவத்தின் வீடியோ சமூக வலைத்தளங்களில் பரவி காவல்துறை கவனத்திற்குச் சென்றதையடுத்து, காசியாபாத் காவல்துறை வழக்குப்பதிவு செய்து விசாரணையைத் தொடங்கியது. இத்தாக்குதலில் ஈடுபட்ட முக்கிய நபர்களில் ஒருவன் ‘ஷிப்போ’ என அடையாளம் காணப்பட்டுள்ளதாகவும், மதுபோதையில் ஏற்பட்ட தகராறால் இச்சம்பவம் நடந்துள்ளதாகவும் காவல்துறை அதிகாரிகள் தெரிவித்துள்ளனர். குற்றவாளிகள் மீது தகுந்த சட்ட நடவடிக்கை எடுக்கப்பட்டு வருகிறது.