அடேய்… யாரை பார்த்து என்ன வார்த்தை சொல்ற?… மேலதிகாரியை கெட்ட வார்த்தையால் வெளுத்து… வாங்கிய செய்தி வாசிப்பாளர்… நடுங்க வைக்கும் நியூஸ்ரூம் சண்டை… ஆங்கர் அதிரடி டிஸ்மிஸ்…!

அமெரிக்காவின் டெட்ராய்ட் நகரைச் சேர்ந்த தொலைக்காட்சி செய்தி வாசிப்பாளர் டேவ் மக்மாஃஹான், செய்தி அறையில் தனது மேலதிகாரியுடன் ஏற்பட்ட காரசாரமான வாக்குவாதத்தின் போது தகாத வார்த்தையைப் பயன்படுத்தியதால் பணியில் இருந்து நீக்கப்பட்ட சம்பவம் பெரும் பரபரப்பை ஏற்படுத்தியுள்ளது. இந்த வாக்குவாதம் தொடர்பான வீடியோ தற்போது சமூக வலைதளங்களில் வெளியாகி மிக வேகமாக வைரலாகி வருகிறது.

இந்த வாக்குவாதத்தின் போது, செய்தி வாசிப்பாளர் தனது மேலதிகாரியை அவமரியாதையான மற்றும் கெட்ட வார்த்தைகளால் திட்டியதாகக் கூறப்படுகிறது. நேரலைக்குத் தயாராகும் நேரத்தில் செய்தி அறையில் ஏற்பட்ட இந்த மோதல், அங்கிருந்த மற்ற ஊழியர்களையும் அதிர்ச்சியில் ஆழ்த்தியது. நிறுவனத்தின் விதிமுறைகளை மீறி நடந்துகொண்ட காரணத்திற்காக நிர்வாகம் உடனடியாக அவரைப் பணியை விட்டு நீக்கியது.

பணிநீக்கம் செய்யப்பட்டதைத் தொடர்ந்து, அந்தச் செய்தி வாசிப்பாளர் தொலைக்காட்சி நிறுவனத்திற்கு எதிராக நீதிமன்றத்தில் வழக்குத் தொடர்ந்துள்ளார். தான் நியாயமின்றி பணிநீக்கம் செய்யப்பட்டதாக அவர் குற்றம் சாட்டியுள்ள நிலையில், இது தொடர்பான வீடியோ இணையத்தில் வெளியாகி நெட்டிசன்களிடையே விவாதப் பொருளாக மாறியுள்ளது.