இதுதான் உண்மையான பாசம்..! “14 நாட்களாக காணாமல் போன நாய்” பெயரைச் சொன்னதும் ஓடி வந்து கட்டியணைத்த செல்லப் பிராணி.. மில்லியன் கணக்கானோரை அழ வைத்த வீடியோ..!

தாய்லாந்தில் இரண்டு வாரங்களுக்கு முன்பு காணாமல் போன தனது செல்ல நாயுடன் ஒரு இளைஞர் மீண்டும் இணைந்த நெகிழ்ச்சியான வீடியோ தற்போது சமூக வலைதளங்களில் வைரலாகி வருகிறது. அந்த நபர் சாலை ஓரத்தில் ஒரு கடையில் குளிர்பானம் வாங்குவதற்காகத் தற்செயலாக நின்றபோது, அங்கு ஒரு நாய் இருப்பதைக் கண்டுள்ளார். அது தனது காணாமல் போன நாய் என்பதை உணர்ந்த அவர், அதன் பெயரைச் சொல்லி அழைத்தவுடன் அந்த நாய் காட்டிய அன்பு அனைவரையும் நெகிழச் செய்துள்ளது.

இந்தச் சம்பவத்தின் வீடியோவில், அந்த இளைஞன் தன் நாயைப் பார்த்ததும் மிகுந்த உணர்ச்சிவசப்படுவதைக் காண முடிகிறது. நாயும் தனது எஜமானரை அடையாளம் கண்டுகொண்டு, வாலை ஆட்டியபடி அவர் மீது குதித்து தனது மகிழ்ச்சியை வெளிப்படுத்தியது. இரண்டு வாரங்களாகப் பிரிந்திருந்த இருவரும் எதிர்பாராத விதமாக மீண்டும் சந்தித்த இந்தத் தருணம் “விதியின் விளையாட்டு” என்று சமூக வலைதளப் பயனர்களால் வர்ணிக்கப்படுகிறது.

தற்போது இந்த வீடியோ இணையத்தில் மில்லியன் கணக்கான பார்வைகளைப் பெற்று வருகிறது. விலங்குகளுக்கும் மனிதர்களுக்கும் இடையிலான ஆழமான பிணைப்பையும், அவை காட்டும் நிபந்தனையற்ற அன்பையும் இந்தப் பதிவு மீண்டும் ஒருமுறை உலகிற்கு உணர்த்தியுள்ளது. காணாமல் போன தனது செல்லப் பிராணி உயிருடன் திரும்பக் கிடைத்ததில் அந்த இளைஞர் மிகுந்த மகிழ்ச்சியில் உள்ளார்.