“தண்ணித் தொட்டி தேடி வந்த கன்னுகுட்டி நான்”… கையில் பீர் பாட்டிலுடன் தவெக எம்.எல்.ஏ ஆட்டம்… தஞ்சையில் வெடித்த சர்ச்சை…..!

தமிழக சட்டசபைத் தேர்தல் முடிவுகள் வெளியாகி, தமிழக வெற்றிக் கழகம் (தவெக) தனிப்பெரும் கட்சியாக உருவெடுத்து ஆட்சியைப் பிடித்துள்ள நிலையில், அக்கட்சியின் முக்கிய வெற்றிகளில் ஒன்றாக தஞ்சாவூர் தொகுதி பார்க்கப்படுகிறது. தஞ்சை தொகுதியில் தவெக சார்பில் போட்டியிட்ட ஆர். விஜய் சரவணன், திமுக வேட்பாளர் சண். ராமநாதனை 16,955 வாக்குகள் வித்தியாசத்தில் வீழ்த்தி அபார வெற்றி பெற்றார். விஜய் சரவணன் மொத்தம் 87,705 வாக்குகளைப் பெற்று தொகுதி மக்களின் ஆதரவை உறுதி செய்துள்ள நிலையில், தற்போது அவர் தொடர்பான ஒரு வீடியோ சமூக வலைதளங்களில் பெரும் விவாதத்தை கிளப்பியுள்ளது.

வைரலாகி வரும் அந்த வீடியோவில், விஜய் சரவணன் தனது நண்பர்களுடன் சாலையோரம் குடித்துவிட்டு, கையில் பீர் பாட்டிலுடன் உற்சாகமாக ஆட்டம் போடும் காட்சிகள் இடம்பெற்றுள்ளன. அவர் எம்.எல்.ஏ-வாகத் தேர்ந்தெடுக்கப்பட்டுள்ள நிலையில், இந்த வீடியோ காட்டுத்தீயாகப் பரவி வருகிறது. இருப்பினும், இந்த வீடியோ தற்போதையது அல்ல என்றும், அவர் அரசியலுக்கு வருவதற்கு முன்போ அல்லது கடந்த காலத்திலோ எடுக்கப்பட்ட பழைய வீடியோ இது என்றும் கூறப்படுகிறது. எதிர்க்கட்சியினர் மற்றும் சமூக வலைதள வாசிகள் இதனை விமர்சித்து வந்தாலும், தவெக ஆதரவாளர்கள் இது தனிப்பட்ட வாழ்வின் பழைய நிகழ்வு எனப் பதிவிட்டு வருகின்றனர்.

நடந்து முடிந்த தேர்தலில் தஞ்சாவூர் தொகுதியில் மும்முனைப் போட்டி நிலவியது குறிப்பிடத்தக்கது. திமுக வேட்பாளர் சண். ராமநாதன் 70,750 வாக்குகளுடன் இரண்டாம் இடத்தையும், அதிமுக கூட்டணி சார்பில் போட்டியிட்ட பாஜக வேட்பாளர் கருப்பு முருகானந்தம் 26,790 வாக்குகளுடன் மூன்றாம் இடத்தையும் பிடித்தனர். தேர்தல் வெற்றிக் கொண்டாட்டங்களுக்கு மத்தியில் இத்தகைய வீடியோக்கள் வெளியாவது அரசியல் களத்தில் சகஜமான ஒன்றாகப் பார்க்கப்பட்டாலும், ஒரு புதிய எம்.எல்.ஏ-வின் நற்பெயருக்கு இது சவாலாக அமையுமா அல்லது வெறும் சலசலப்புடன் முடிந்துவிடுமா என்பதைப் பொறுத்திருந்துதான் பார்க்க வேண்டும்.