“யாரும் எதிர்பார்க்காத ‘ட்விஸ்ட்’… விஜய் பக்கம் சாயும் 40 எம்.எல்.க்கள்?… சி.வி.சண்முகம் கொடுத்த மெகா ஷாக்.. திக்கித் திணறும் எடப்பாடி… பரபரக்கும் அரசியல் களம்”…!!!

தமிழகச் சட்டமன்றத் தேர்தல் முடிவுகள் எக்கட்சிக்கும் தனிப்பெரும்பான்மை கிடைக்காத நிலையில், ஒரு தொங்கு சட்டசபை உருவானதால் அரசியல் களம் அதிரடி மாற்றங்களைச் சந்தித்து வருகிறது. 108 இடங்களில் வெற்றி பெற்ற நடிகர் விஜய்யின் தமிழக வெற்றிக் கழகம் (தவெக), ஆட்சி அமைக்கத் தேவையான 118 இடங்களை அடைய இன்னும் 10 எம்.எல்.ஏ-க்களின் ஆதரவு தேவைப்படும் நிலையில் உள்ளது. இதில் அதிரடித் திருப்பமாக, திமுக கூட்டணியிலிருந்து விலகிய காங்கிரஸ் கட்சி, தனது 5 எம்.எல்.ஏ-க்களின் ஆதரவுக் கடிதத்தைத் தவெக-விடம் வழங்கியுள்ளது. மீதமுள்ள 6 இடங்களுக்காக விசிக, கம்யூனிஸ்ட் கட்சிகள் மற்றும் பாமக ஆகியவற்றுடன் தவெக பேச்சுவார்த்தை நடத்தி வரும் சூழலில், விஜய் ஆளுநரைச் சந்தித்து ஆட்சி அமைக்க உரிமை கோரினார். ஆனால், பெரும்பான்மை இல்லை என்பதால் ஆளுநர் அர்லேகர் அவருக்குப் பதவியேற்க அழைப்பு விடுக்கவில்லை.

இதற்கிடையே, அதிமுக-வில் திடீர் பிளவு ஏற்பட்டுள்ளது அக்கட்சித் தலைமைக்கு அதிர்ச்சியை ஏற்படுத்தியுள்ளது. தவெக-விற்கு ஆதரவு அளித்து அமைச்சரவையில் இடம்பெறலாம் என முன்னாள் அமைச்சர் சி.வி. சண்முகம் வலியுறுத்தி வரும் நிலையில், எடப்பாடி பழனிசாமி தலைமையிலான தலைமை அதனைத் திட்டவட்டமாக மறுத்துள்ளது. தவெக-விற்கு எக்காரணம் கொண்டும் ஆதரவு கிடையாது என கே.பி. முனுசாமி மூலம் இபிஎஸ் தரப்பு அறிவித்துள்ளது. எனினும், தலைமைக்கு எதிராக சி.வி. சண்முகம் தலைமையில் 40-க்கும் மேற்பட்ட அதிமுக எம்.எல்.ஏ-க்கள் புதுச்சேரி பூராணங்குப்பத்தில் உள்ள ஒரு தனியார் சொகுசு விடுதியில் தங்கியிருப்பது பெரும் பரபரப்பை ஏற்படுத்தியுள்ளது. அவர்கள் தவெக-விற்கு ஆதரவளிக்கத் தீர்மானித்துள்ளதாகத் தகவல்கள் வெளியாகின்றன.

தவெக மற்றும் சி.வி. சண்முகம் தரப்பின் இந்த அதிரடி நகர்வுகளை முறியடிக்க, தமிழக அரசியல் வரலாற்றிலேயே இதுவரை காணாத ஒரு புதிய திருப்பம் அரங்கேற வாய்ப்புள்ளதாகக் கூறப்படுகிறது. பல தசாப்தங்களாக எதிரும் புதிருமாக இருந்த திமுக மற்றும் அதிமுக (இபிஎஸ் தரப்பு) ஆகிய இரு கட்சிகளும் இணைந்து ஆட்சி அமைக்கத் திட்டமிட்டு வருவதாகத் தகவல்கள் கசிகின்றன. தவெக ஆட்சியைப் பிடிப்பதைத் தடுக்கவும், அதிமுக உடையாமல் காக்கவும் எடப்பாடி பழனிசாமி அவர்கள், திமுக தலைவர் மு.க. ஸ்டாலினைச் சந்திக்கத் திட்டமிட்டுள்ளதாகக் கூறப்படுவது அரசியல் வட்டாரங்களில் அதிர்வலைகளை உருவாக்கியுள்ளது.

தமிழக அரசியலில் அடுத்த சில மணிநேரங்கள் மிகவும் முக்கியத்துவம் வாய்ந்ததாகக் கருதப்படுகிறது. ஒருபுறம் 113 எம்.எல்.ஏ-க்களின் ஆதரவுடன் இன்னும் சில இடங்களுக்காகத் தவிக்கும் விஜய், மறுபுறம் தனது கட்சியைத் தக்கவைக்கப் போராடும் எடப்பாடி பழனிசாமி, இவர்களுக்கு இடையே திமுக-வின் அடுத்தகட்ட நகர்வு என்னவாக இருக்கும் என்ற எதிர்பார்ப்பு எகிறியுள்ளது. நாளைக்குள் பெரும்பான்மை நிரூபிக்கப்படாவிட்டால் ஆளுநர் அடுத்தகட்ட முடிவை எடுப்பார் என்பதால், தமிழகம் தவெக ஆட்சியா அல்லது திமுக-அதிமுக கூட்டணியா என்ற வரலாற்றுத் திருப்பத்தை எதிர்நோக்கிக் காத்திருக்கிறது.