கூட்டணிக்கு எத்தனை தொகுதி?… இன்னும் சற்று நேரத்தில் வெளியாக போகும் அறிவிப்பு… இபிஎஸ் அவசர ஆலோசனை..!

கடந்த 2021 ஆம் ஆண்டு சட்டமன்றத் தேர்தல் மற்றும் நாடாளுமன்ற தேர்தல், உள்ளாட்சி மற்றும் இடைத்தேர்தல் என எந்த ஒரு தேர்தலிலும் அதிமுக வெற்றி பெற முடியவில்லை. இதனால் வருகின்ற 2026 சட்டமன்ற தேர்தலில் எப்படியும் ஆட்சியைப் பிடித்து விட வேண்டும் என்று எடப்பாடி பழனிச்சாமி நினைக்கின்றார். அதனால் திமுகவை எதிர்க்கும் பாஜகவோ ஏற்கனவே அதிமுக கூட்டணி அமைத்துவிட்டது. ஒரு பக்கம் திமுகவை எதிர்த்து அரசியல் செய்து கொண்டிருக்கும் விஜய் தங்கள் பக்கம் இருக்கும் முயற்சியில் ஈபிஎஸ் இறங்கினார். திமுகவை தோற்கடிக்க வேண்டும் என்றால் விஜய் அதிமுகவுடன் இணைய வேண்டும்.

தமிழக வெற்றிக்கழக நிர்வாகிகளுக்கு பயிற்சி தேவை. அவர்களுக்கு தேவையான பயிற்சிகளை அதிமுகவினர் வழங்குவார்கள் என்று அதிமுக முன்னாள் அமைச்சர்கள் வெளிப்படையாக கூறியிருந்தனர். இதனிடையே கரூர் சம்பவத்தில் திமுகவிற்கு எதிராகவும் விஜய்க்கு ஆதரவாகவும் எடப்பாடி பேசத் தொடங்கினார். எப்படியும் விஜய் தனது கூட்டணிக்கு வந்து விடுவார் என்று அவர் நம்பிக்கையாக இருந்த நிலையில் அவர் நினைத்தபடி விஜய் அதிமுக கூட்டணிக்கு இதுவரை வந்து சேரவில்லை.

இந்நிலையில் அதிமுக தலைமை அலுவலகத்தில் இபிஎஸ் தலைமையில் மாவட்ட செயலாளர்கள் கூட்டம் நடைபெற்று வருகிறது. அதில் 2026 சட்டமன்ற தேர்தல் பணிகள் குறித்து ஆலோசிக்கப்பட்டு வருகிறது. புதிய கட்சிகளை கூட்டணியில் சேர்ப்பது, கூட்டணி கட்சிகளுக்கு எத்தனை சீட்டுகள் ஒதுக்கலாம் என்பது குறித்து ஆலோசிக்கப்பட்டு வருவதாக கூறப்படுகிறது. தேர்தல் பிரச்சாரங்கள், களப்பணி மற்றும் தேர்தல் வியூகம் உள்ளிட்டவை குறித்தும் ஆலோசனை செய்யப்படும் நிலையில் கூட்டம் முடிந்த பிறகு முக்கிய அறிவிப்பு வெளியாகும் என தெரிகிறது.