தென்மேற்கு பருவக்காற்று நீர்பறவை கூடல் நகர் கண்ணே கலைமானே மாமனிதன் உள்ளிட்ட படங்களை இயக்கியவர் சீனு ராமசாமி. நடிகர் விஜய் சேதுபதி துணை நடிகராக வளர்ந்து வந்த காலகட்டத்தில் அவரை முதலில் ஹீரோவாக அறிமுகப்படுத்தி சீனு ராமசாமி இயக்கிய படம்தான் தென்மேற்கு பருவக்காற்று என்பது குறிப்பிடத்தக்கது.
இந்நிலையில் ஒரு நேர்காணலில் இயக்குனர் சீனு ராமசாமி கூறியதாவது, என் முதல் படத்துக்கு இசையமைப்பாளர் இவன்தான்னு தயாரிப்பாளர் சொன்னார். டவுசர் போட்டுட்டு ஒரு சின்ன பையன் வந்தான். தம்பி மியூசிக் டைரக்டரை கூப்பிடு என்று சொன்னேன். நான்தான் அதுன்னு சொன்னான். நீ மியூசிக் பண்ணிடுவியா? உனக்கு அனுபவம் இருக்கான்னு கேட்டு ஜீவி பிரகாஷை நீ வேணாம்ன்னு சொல்லி வெளியில் அனுப்பிட்டேன். நான் செய்த வரலாற்று தவறே இதுதான் என்று இயக்குனர் சீனு ராமசாமி கூறியிருக்கிறார்.