15 வருடங்களுக்கு முன்பே பார்த்திபனை சந்திக்க சென்ற சுவாசிகா… அவரே பகிர்ந்த சுவாரஸ்ய சம்பவம்…!

இதில் ‘அட்டகத்தி’ தினேஷ், ஹரிஷ் கல்யாண், சுவாசிகா விஜய், சஞ்சனா கிருஷ்ணமூர்த்தி உட்பட பலர் நடித்துள்ளனர். பிரின்ஸ் பிக்சர்ஸ் சார்பில் லக்ஷ்மன் குமார் தயாரித்த இந்த படம் இவருக்கு ஒரு நல்ல பெயரை வாங்கி கொடுத்தது. இவர் விஜய் டிவி சீரியல் நடிகர் பிரேம் ஜேக்கப் என்பவருடைய மனைவி என்பது பலரும் தெரிந்திருக்காத ஒரு விஷயம். இவர் விஜய் டிவியில் ஒளிபரப்பாகி வரும் சீரியலான நீ நான் காதல் என்ற தொடரில் நடித்து வருகிறார்.

தற்போது சுவாசிகா தொடர்ந்து சினிமாவில் பிஸியாக நடித்து வரும் நிலையில் இவர் குறித்து நடிகர் பார்த்திபன் சமீபத்திய பேட்டியில் பேசியுள்ளார். அதில், லப்பர் பந்து படத்தில் நடித்த சுவாசிகா சுமார் 15 வருடங்களுக்கு முன்பே ஒரு ஆடிஷனில் சினிமா வாய்ப்பு தேடி வந்திருந்தார். அப்போது வேற ஏதாவது வாய்ப்பு இருந்தா சொல்லி அனுப்புறேன் என்று சொல்லி அவங்கள அனுப்பிட்டேன். பிறகு லப்பர் பந்து படத்தை பார்த்து வியந்து அவங்கள தேடி கண்டுபிடித்து நான் பேசினேன்.

அப்போ என்ன சார் என்ன மறந்துட்டீங்களா நீங்க சொல்லி கொடுத்த டயலாக் கூட எனக்கு இன்னும் ஞாபகம் இருக்கு என்று பேசுனாங்க. இந்த 15 வருட இடைவேளையில் சுவாசிகாவிடம் எந்த ஒரு மாற்றமும் ஏற்படவில்லை. பொதுவாகவே பெண்களுக்கு ஒவ்வொரு வயதிலும் ஒவ்வொரு விதமான பயம் வந்து விடும். ஆனால் இந்தப் பெண் எந்தவித பயமும் இல்லாமல் சினிமாவில் ஒரு சாதனையை நிகழ்த்தியுள்ளார் என்று தான் சொல்ல வேண்டும் என சுவாசிகா பற்றி பார்த்திபன் புகழ்ந்து பேசி உள்ளார்.