திமுக தலைவர் மு.க.ஸ்டாலினுக்கு எதிராக தமிழகத்தின் பொதுப்பணித்துறை அமைச்சர் ஆதவ் அர்ஜுனா ரூ.1 கோடி இழப்பீடு கேட்டு சட்டப்பூர்வ மானநஷ்ட நோட்டீஸ் அனுப்பியுள்ளார். கடந்த ஜூன் 8 ஆம் தேதியன்று திமுகவின் சமூக வலைதளப் பக்கத்தில், சென்னையில் அமலாக்கத்துறை பறிமுதல் செய்த ரூ.258 கோடி போதைப்பொருள் கடத்தல் வழக்கின் பின்னணியில் செயல்பட்ட ஜான் பிரிட்டோ என்பவர், அமைச்சர் ஆதவ் அர்ஜுனாவின் நெருங்கிய உறவினர் என்று குற்றம் சாட்டப்பட்டிருந்தது. இந்த அவதூறானப் பதிவு தனது நற்பெயருக்குக் களங்கம் விளைவிக்கும் நோக்கில் எவ்வித ஆதாரமும் இன்றி திட்டமிட்டுப் பரப்பப்பட்டது என ஆதவ் அர்ஜுனா தனது நோட்டீஸில் தெரிவித்துள்ளார்.
அமலாக்கத்துறை செய்திக்குறிப்பில் குறிப்பிடப்பட்டுள்ள ஜான் பிரிட்டோவிற்கும், தனக்கோ அல்லது தனது குடும்பத்தினருக்கோ எவ்வித தொடர்பும் கிடையாது என்றும், அவர் தனது உறவினரே அல்ல என்றும் ஆதவ் அர்ஜுனா திட்டவட்டமாக விளக்கமளித்துள்ளார். இந்தத் தவறான குற்றச்சாட்டுக்காக மு.க.ஸ்டாலின் மற்றும் திமுக தகவல் தொழில்நுட்ப அணியினர் தமிழ் மற்றும் ஆங்கில நாளிதழ்கள் மற்றும் சமூக வலைதளங்கள் வாயிலாக 48 மணி நேரத்திற்குள் நிபந்தனையற்ற பொது மன்னிப்பு கேட்க வேண்டும், இல்லையெனில் ரூ.1 கோடி மானநஷ்ட ஈடு கோரி சிவில் மற்றும் குற்றவியல் சட்டங்களின் கீழ் நீதிமன்றத்தில் வழக்கு தொடரப்படும் என்று அவரது வழக்கறிஞர்கள் எச்சரித்துள்ளனர்.