கன்னியாகுமரி மாவட்டம் மார்த்தாண்டம் அருகே உள்ள பாகோடு மாதிக்காவிலையை சேர்ந்தவர் தேவராஜ் என்பவர். இவருக்கு மரிய ஜோய் (67) என்ற மனைவியும் இரண்டு மகன்களும் உள்ளனர். இதில் இரண்டாவது மகன் சந்தோஷ்குமார் மனைவிக்கும் மாமியார் மரிய ஜோய்க்கும் இடையே அடிக்கடி தகராறு ஏற்பட்டுள்ளது. சம்பவத்தன்று வழக்கம் போல தகராறு ஏற்பட ஒரு கட்டத்தில் வாக்குவாதம் முற்றிய நிலையில் ஆத்திரமடைந்த மருமகள் மாமியாரை தகாத வார்த்தைகளால் பேசியதோடு அடுப்பிலிருந்து வெந்நீரை எடுத்து அவர் மீது ஊற்றியுள்ளார்.
மேலும் ஆத்திரம் அடங்காமல் கையால் முதுகில் கடுமையாக தாக்கியுள்ளார். இதில் காயம் அடைந்த மாமியாரை குடும்பத்தினர் மீட்டு அரசு மருத்துவமனையில் சிகிச்சைக்காக அனுமதித்தனர். அங்கு அவருக்கு தீவிரசிகிச்சை அளிக்கப்பட்டு வரும் நிலையில் போலீசார் வழக்கு பதிவு செய்து விசாரணை நடத்தி வருகிறார்கள். குடும்பத் தகராறில் மாமியார் மீது மருமகள் வெந்நீர் ஊற்றிய சம்பவம் அப்பகுதியில் பெரும் அதிர்ச்சியை ஏற்படுத்தி உள்ளது.