சென்னை கண்ணகி நகர் பகுதியில் இயங்கி வரும் ஒரு தனியார் உணவகத்தில், வழக்கம் போல் ஊழியர்கள் சமையல் பணியில் ஈடுபட்டிருந்தனர். அப்போது எதிர்பாராத விதமாக அங்கிருந்த சமையல் எரிவாயு உருளை பயங்கர சத்தத்துடன் வெடித்தது. இந்த விபத்தில் உணவகத்தின் சமையல் அறை கடுமையாகச் சேதமடைந்ததோடு, அங்கிருந்த பொருட்கள் தீப்பற்றி எரியத் தொடங்கின.
இந்த விபத்தில் உணவக ஊழியர்கள் உட்பட மொத்தம் 6 பேர் படுகாயமடைந்தனர். வெடிப்புச் சத்தம் கேட்டு அக்கம் பக்கத்தினர் ஓடி வந்து மீட்புப் பணியில் ஈடுபட்டனர். காயமடைந்தவர்கள் உடனடியாக மீட்கப்பட்டு, அருகில் உள்ள அரசு மருத்துவமனைக்குச் சிகிச்சைக்காக அனுப்பி வைக்கப்பட்டனர். இதில் சிலருக்குத் தீவிர தீக்காயங்கள் ஏற்பட்டுள்ளதால் அவர்களுக்குத் தீவிர சிகிச்சை அளிக்கப்பட்டு வருகிறது.
சம்பவம் குறித்துத் தகவல் அறிந்து வந்த தீயணைப்புத் துறையினர் விரைந்து செயல்பட்டு தீயைக் கட்டுப்படுத்தினர். கேஸ் சிலிண்டரில் ஏற்பட்ட கசிவு காரணமாகவே இந்த விபத்து நடந்திருக்கலாம் என முதற்கட்ட விசாரணையில் தெரியவந்துள்ளது. கண்ணகி நகர் போலீசார் இது குறித்து வழக்குப் பதிவு செய்து, பாதுகாப்பு விதிமுறைகள் பின்பற்றப்பட்டதா என்பது குறித்துத் தீவிர விசாரணை நடத்தி வருகின்றனர்