என்னது!.. சாக்கடைத் தண்ணீரில் சமையலா?.. வெளியான பகீர் வீடியோ… சமூக வலைதளங்களில் கொந்தளிக்கும் பொதுமக்கள்…!!!

மகாராஷ்டிர மாநிலம் அகோலா நகரின் திக்ரா சௌக் பகுதியில் எடுக்கப்பட்ட அதிர்ச்சியூட்டும் காணொளி ஒன்று சமூக ஊடகங்களில் வெளியாகி பொதுமக்களிடையே பெரும் கவலையை ஏற்படுத்தியுள்ளது. அந்தப் பகுதியில் உள்ள பேருந்து நிலையம் அருகே ஒருவர் பிளாஸ்டிக் பக்கெட்டுகளில் சாக்கடைத் தண்ணீரை நிரப்பும் காட்சிகள் அந்த வீடியோவில் பதிவாகியுள்ளன. இப்பகுதியில் அதிகாலை 4 மணி முதலே போஹா, சமோசா, கச்சோரி போன்ற காலை உணவுகளை விற்கும் ஏராளமான தள்ளுவண்டிக் கடைகள் செயல்படுவதால், இந்தச் சாக்கடைத் தண்ணீர் உணவு தயாரிக்கவோ அல்லது பாத்திரங்களைக் கழுவவோ பயன்படுத்தப்படுகிறதோ என்ற பலத்த சந்தேகம் எழுந்துள்ளது.

இந்தக் காணொளி வைரலானதைத் தொடர்ந்து, அப்பகுதியில் உள்ள உணவகங்களின் தூய்மை மற்றும் தரம் குறித்துப் பொதுமக்கள் கேள்வி எழுப்பி வருகின்றனர். இது தொடர்பாக அதிகாரப்பூர்வ உறுதிப்படுத்தல் இன்னும் கிடைக்கவில்லை என்றாலும், பொது சுகாதாரத்திற்குப் பெரும் அச்சுறுத்தல் ஏற்பட்டுள்ளதாகச் சமூக வலைதளங்களில் கண்டனங்கள் குவிந்து வருகின்றன. பொதுமக்களின் உயிருடன் விளையாடும் இத்தகையச் செயல்கள் குறித்து நிர்வாகம் உடனடியாக விசாரணை நடத்தி, சம்பந்தப்பட்டவர்கள் மீது கடுமையான நடவடிக்கை எடுக்க வேண்டும் என்று பலரும் கோரிக்கை விடுத்துள்ளனர்.