விஜய் தொலைக்காட்சியில் தற்பொழுது ஒளிபரப்பாகி வரும் பிக் பாஸ் நிகழ்ச்சியானது சண்டைக்கு பஞ்சம் இல்லாமல் ஒளிபரப்பாகி வருகிறது. பரபரப்பாகவும், விறுவிறுப்பாகவும் ஒளிபரப்பாகி வரும் இந்த ஷோவில் ஆரம்பத்தில் 18 போட்டியாளர்கள் கலந்து கொண்டனர். இவர்களை தொடர்ந்து 5 வைல்டு கார்டு போட்டியாளர்களும் களமிறங்கினர்.
வாரம் ஒரு எலிமினேஷன் என தற்போது வரை 9 போட்டியாளர்கள் பிக் பாஸ் வீட்டை விட்டு வெளியேறி உள்ளனர். வைல்ட் கார்டு என்ட்ரியில் உள்ளே வந்த 5 போட்டியாளர்களையும் ஏற்கனவே இருந்த ஹவுஸ்மேட்கள் எதிரிகளாகவே பார்த்து வந்த நிலையில், பிக் பாஸ் வீட்டில் ஆட்டம் சூடு பிடித்தது. இதைத் தொடர்ந்து பல்வேறு பிரச்சனைகளுக்கு நடுவே, தற்பொழுது பிக் பாஸ் இன்று அதிரடியாக பல்வேறு அறிவிப்புகளை வெளியிட்டுள்ளார்.
அதன்படி 3 வைல்டு கார்டு போட்டியாளர்கள் பிக் பாஸ் வீட்டிற்குள் நுழைய உள்ளனர் என்றும், அவர்கள் ஏற்கனவே பிக் பாஸ் வீட்டை விட்டு வெளியேற்றப்பட்டவர்கள் என்றும் கூறியுள்ளார் பிக் பாஸ். இதனால் பயங்கர அதிர்ச்சியில் உள்ளனர் ஹவுஸ்மேட்கள். இதைத் தொடர்ந்து வரப்போவது யார் என்று கேள்வி ரசிகர்கள் மத்தியில் எழுந்துள்ளது.
ஆனால் ஏற்கனவே பிரதிப் தான் பிக் பாஸ் வீட்டிற்குள் வரவில்லை என்பதை உறுதி செய்துவிட்டார். இதை தொடர்ந்து இந்த போட்டியில் இருந்து வெளியேறிய வினுஷா, விஜய் வர்மா, அனன்யா ராவ் என இந்த 3 போட்டியாளர்கள் தான் மீண்டும் பிக் பாஸ் வீட்டுக்குள் வர இருப்பதாக உறுதியான தகவல்கள் தெரிவிக்கின்றன. பொறுத்திருந்து பார்ப்போம் என்ன நடக்கப் போகிறது என்பதை. இனிமேல் ஆட்டம் சூடுபிடிக்குமா?..
