கன்னியாகுமரி மாவட்ட கடற்கரை பகுதியில் யுரேனியம், தோரியம் மற்றும் கதிரியக்கத் தன்மை கொண்ட மோனசைட் போன்ற அரிய வகை அணுக்கனிமங்களை வெட்டி எடுக்கும் திட்டத்திற்குத் தமிழக அரசு மேலும் ஓராண்டு கால நீட்டிப்பு வழங்கியிருப்பது, அரசியல் வட்டாரத்தில் பெரும் புயலைக் கிளப்பியுள்ளது. தவெக கட்சி தொடங்கப்பட்ட போது இந்த சுரங்கத் திட்டத்திற்கு எதிராகத் தீர்மானம் நிறைவேற்றப்பட்ட நிலையில், தற்போது ஆட்சிக்கட்டிலில் அமர்ந்த பிறகு அதற்கு அனுமதி வழங்கியிருப்பது ஏன் என்று திமுக எம்பி கனிமொழி உள்ளிட்ட எதிர்க்கட்சிகள் அடுக்கடுக்கான கேள்விகளை எழுப்பி வருகின்றன. இந்தச் சூழலில், வழக்கமாக அரசின் நிலைப்பாட்டை ஆதரிக்கும் ஆளுங்கூட்டணி மரபுகளை உடைத்து, தவெக ஆட்சியில் பங்கெடுத்துள்ள காங்கிரஸ் கட்சியின் அமைச்சர் ராஜேஷ்குமார், முதலமைச்சர் விஜய்யை நேரில் சந்தித்து இந்த அனுமதியை ரத்து செய்யக் கோரியிருப்பது தவெக கூட்டணியில் பலத்த சலசலப்பை ஏற்படுத்தியிருக்கிறது.
மத்திய அரசின் வழிகாட்டுதலோடு உள்நாட்டிலேயே கனிமங்களை வெட்டி எடுக்கும் நோக்கில் கொண்டுவரப்பட்ட இந்தத் திட்டத்திற்கு, உள்ளூர் மக்கள் நீண்ட காலமாகவே கடுமையான எதிர்ப்பைப் பதிவு செய்து வருகின்றனர். மண்ணைத் தோண்டி எடுக்கும்போது காற்றில் கதிரியக்கம் பரவி தங்களுக்குப் புற்றுநோய் உள்ளிட்ட பெரும் சுகாதாரக் கேடுகள் விளைவிக்கும் என்று அப்பகுதி மக்கள் அஞ்சுகின்றனர். அதோடுமட்டுமல்லாமல், கனிமங்களை எடுப்பதாகக் கூறி ஒட்டுமொத்த கடற்கரை மணலையும் வழித்துச் செல்வதால் கடுமையான கடல் அரிப்பு ஏற்பட்டு, கடல் நீர் குடியிருப்புப் பகுதிகளுக்குள் புகுந்துவிடும் அபாயமும் இருப்பதாகக் குற்றம்சாட்டுகின்றனர். இத்தகைய வாழ்வாதாரப் பிரச்சினைகளை முன்வைத்தே, காலக்கெடு முடியும் கடைசி நாளில் தமிழக அரசு அவசர அவசரமாக வழங்கிய அனுமதியை ரத்து செய்ய வேண்டும் என்ற கோரிக்கை வலுத்து வருகிறது.
எதிர்க்கட்சிகளின் விமர்சனங்களைத் தாண்டி ஆளுங்கட்சியான காங்கிரஸே நேரடியாகத் தன் எதிர்ப்பைப் பதிவு செய்திருப்பது தவெக தலைமைக்குச் சற்றே நெருக்கடியை உருவாக்கியுள்ளது. எனினும், அமைச்சர் ராஜேஷ்குமாரின் கோரிக்கையை ஏற்றுக் கொண்ட முதலமைச்சர் விஜய், மக்களுக்குப் பாதிப்பை ஏற்படுத்தும் எந்தவொரு திட்டத்திற்கும் தவெக அரசு அனுமதி வழங்காது என்று நேரில் உறுதியளித்துள்ளார். ஆட்சிக்கு வரும்முன் ஒரு நிலைப்பாடும், வந்தபின் ஒரு நிலைப்பாடும் எடுப்பதாகக் கிளம்பியுள்ள விமர்சனங்களுக்கு முற்றுப்புள்ளி வைக்கும் வகையிலும், கூட்டணிக்குள் ஏற்பட்டுள்ள சலசலப்பைச் சமன் செய்யும் வகையிலும், தமிழக அரசு இந்த விவகாரத்தில் மக்களின் அச்சத்தைப் போக்கும் அடுத்தகட்ட அதிரடி முடிவை எடுக்கும் என்று எதிர்பார்க்கப்படுகிறது.
பெருவின் சான் ஜுவான் டி லூரிகாஞ்சோ பகுதியில் உள்ள காம்போய் நகர்ப்புறப் பிரிவில் அதிர்ச்சியளிக்கும் குற்றச்சம்பவம் ஒன்று நடந்துள்ளது. சாலையில்…
பாலியல் வன்கொடுமை மற்றும் அது தொடர்பான வன்முறைகள் தொடர்பான காணொளிகளைப் பகிர்வதோ, அது குறித்துத் தனிநபர்களைத் திரட்டிப் பின்தொடர்வதோ சட்டப்பூர்வமாகவும்…
சிபிஎம் தலைவர் பி. சசியின் சகோதரரான பி. சரசன் (54) அடூர் பாலம் அருகே நிகழ்ந்த பயங்கரச் சாலை விபத்தில்…
தெலங்கானா மாநிலம் பூபாலபள்ளி மாவட்டத்தில் குடும்பத் தகராறு காரணமாகத் தனது காதலனுடன் சேர்ந்து கணவரைக் கொடூரமாகக் கொலை செய்த மனைவி…
ஜாலான் மாவட்டம் குடவுந்த் காவல் எல்லைக்குட்பட்ட தூங்கர்பூர்வா கிராமத்தில், மொபைல் போன் தொடர்பான தகராறில் 8 வயது சிறுவன் ஒருவன்…
குஜராத் மாநிலம் வடோதராவின் நவி ராம்வாடி பகுதியில் நிறுத்தப்பட்டிருந்த சிஎன்ஜி கார் ஒன்று திடீரென தீப்பற்றி, எதிர்பாராதவிதமாக பயங்கர சத்தத்துடன்…