தமிழகத்தில் 2026 ஆம் ஆண்டு சட்டமன்ற தேர்தலை எதிர்கொள்ள விஜயின் தமிழக வெற்றிக்கழகம் கட்சி தயாராகி வருகின்றது. அதிமுக மற்றும் திமுக இடையே போட்டி நிலவிய நிலையில் தற்போது திமுகவுக்கு ஒரே போட்டியாக விஜய் இன் தமிழக வெற்றிக்கழகம் கட்சி உள்ளது. விஜயும் யாருடனும் கூட்டணி வைக்காமல் இந்த தேர்தலை எதிர்கொள்ள தயாராகி வரும் நிலையில் திமுக தான் தங்களுக்கு ஒரே எதிரி என்றும் கூறி வருகின்றார். இதனிடையே அதிமுகவின் மூத்த தலைவரான செங்கோட்டையன் விஜய் கட்சியில் இணைந்தது தமிழக அரசியலில் புதிய திருப்பத்தை ஏற்படுத்தியது.
இதனைத் தொடர்ந்து அரசியலில் மூத்த நிர்வாகிகள் பலரும் விஜய் கட்சியில் இணைய உள்ளதாக தெரிகிறது. இந்நிலையில் காங்கிரசை போல சில கட்சிகளுக்கு தமிழக வெற்றி கழகம் கட்சியுடன் கூட்டணி சேர ஆசை இருப்பதாக நாஞ்சில் சம்பத் கூறியுள்ளார். இது பற்றி அவர்கள் தான் முடிவெடுக்க வேண்டும் என்ற அவர், யார் கூட்டணிக்கு வந்தாலும் அவர்களை அரவணைக்க விஜய் தயாராக இருக்கிறார் எனவும் கூறியுள்ளார். இந்நிலையில் கூட்டணி பலமாக இருப்பதாக திமுக கூறும் நிலையில் காங்கிரசுக்கு இப்படி ஒரு ஆசை இருப்பதாக நாஞ்சில் சம்பத் கூறியுள்ளது பரபரப்பை கிளப்பியுள்ளது.