கூடுதல் தொகுதி+ ஆட்சியில் பங்கு…. போர்க்கொடி தூக்கும் காங்கிரஸ் நிர்வாகிகள்… அழுத்தத்தில் மாநிலத் தலைமை..!!

தமிழக சட்டமன்றத் தேர்தல் களம் சூடுபிடித்துள்ள நிலையில், திமுக கூட்டணியில் உள்ள காங்கிரஸ் கட்சி இம்முறை கூடுதல் தொகுதிகளையும், ஆட்சியில் பங்கையும் வலியுறுத்தி வருவது அரசியல் வட்டாரத்தில் சலசலப்பை ஏற்படுத்தியுள்ளது. விருதுநகர் எம்.பி. மாணிக்கம் தாகூர் உள்ளிட்ட முக்கிய தலைவர்கள் இந்த கோரிக்கையைத் தொடர்ந்து முன்வைத்து வருகின்றனர். அண்மையில் மதுரை திருப்பரங்குன்றத்தில் நடைபெற்ற காங்கிரஸ் மாவட்ட செயல்வீரர்கள் கூட்டத்தில், கடந்த தேர்தல்களை விட அதிக தொகுதிகளை ஒதுக்க வேண்டும் என்றும், வெற்றி பெற்ற பின் அமையும் ஆட்சியில் காங்கிரஸுக்கு அதிகாரப் பகிர்வு அளிக்கப்பட வேண்டும் என்றும் தீர்மானம் நிறைவேற்றப்பட்டது தொண்டர்களிடையே உற்சாகத்தை ஏற்படுத்தினாலும், கூட்டணி மேலிடத்திற்குப் பெரும் அழுத்தத்தைக் கொடுத்துள்ளது.