தமிழகத்தில் 2026 ஆம் ஆண்டு சட்டமன்றத் தேர்தல் நெருங்கிக் கொண்டிருக்கும் நிலையில் அனைத்து கட்சிகளும் தீவிரமாக தேர்தல் பணியில் ஈடுபட்டு வருகின்றன. திமுக ஒரு பக்கம் மீண்டும் ஆட்சியை பிடித்து விட வேண்டும் என்ற நிலைப்பாட்டில் அதற்கான வேலைகளை செய்து கொண்டிருக்கிறது. மறுபக்கம் பாஜகவுடன் கூட்டணி வைத்துள்ள அதிமுக இந்த முறை எப்படியாவது ஆட்சியைப் பிடித்து விட வேண்டும் என்று முடிவு செய்துள்ளது. இதனிடையே மாற்றுக் கட்சியினர் பலரும் மாறி மாறி ஆளும் கட்சி திமுக மற்றும் பாஜக என இணைந்து வருகின்றது.
இந்நிலையில் இந்திய கம்யூனிஸ்ட் கட்சியின் மாநில பொறுப்பிலிருந்து முத்தரசன் விடுவிக்கப்பட உள்ளதாக கூறப்படுகிறது. 75 வயதான முத்தரசன் மூன்று முறை மாநில செயலாளர் பதவியை வகித்துவிட்டார். இதனால் இன்று சேலத்தில் நடைபெற உள்ள மாநில மாநாட்டில் துணை நிர்வாக பொறுப்பில் உள்ள வீரபாண்டியன், சந்தானம் அல்லது பெரியசாமி ஆகியோரில் ஒருவர் புதிய மாநில செயலாளராக தேர்ந்தெடுக்கப்படலாம் என்று தகவல் வெளியாகி உள்ளது.