வங்க கடலில் இன்று குறைந்த காற்றழுத்த தாழ்வு பகுதி உருவாக வாய்ப்புள்ளதாக வானிலை ஆய்வு மையம் தகவல் தெரிவித்துள்ளது. இதனால் வட தமிழகத்தில் ஓரிரு இடங்களிலும் தென் தமிழகத்தில் ஒரு சில இடங்களிலும், புதுச்சேரி மற்றும் காரைக்கால் பகுதிகளிலும் இடி மின்னலுடன் கூடிய மழைக்கு வாய்ப்புள்ளது. அதனைப் போலவே ஓரிரு இடங்களில் தரைக்காற்று மணிக்கு 50 கிலோமீட்டர் வேகத்தில் வீச கூடும்.
மேலும் நீலகிரி மாவட்டம் மற்றும் கோவையில் இன்று கன மழை பெய்யும் என வானிலை ஆய்வு மையம் எச்சரித்துள்ளது. தொடர் விடுமுறையை முன்னிட்டு நீலகிரிக்கு மக்கள் படையெடுக்கும் நிலையில் ஆரஞ்ச் அலர்ட் விடுக்கப்பட்டுள்ளது. எனவே பொதுமக்கள் எச்சரிக்கையாக இருக்கவும் அறிவுறுத்தப்பட்டுள்ளது. மத்திய மேற்கு, அதனை ஒட்டிய தென்கிழக்கு மற்றும் தென்மேற்கு பகுதிகளில், வடகிழக்கு அரபிக் கடல் பகுதிகளில் சூறாவளி காற்று மணிக்கு 55 கிலோமீட்டர் வேகத்தில் வீசும் என்பதால் மீனவர்கள் அந்த பகுதிகளுக்கு செல்ல வேண்டாம் எனவும் அறிவுறுத்தப்பட்டுள்ளது.