தமிழக சட்டமன்றத்தின் 17-ஆவது கூட்டத்தொடர் ஆளுநர் உரை மீதான நன்றி தெரிவிக்கும் விவாதத்துடன் விறுவிறுப்பாக நிறைவடைந்துள்ளது. கூட்டத்தொடரின் இறுதி நாளான இன்று, விவாதங்களுக்குப் பதிலளித்து முதல்வர் விஜய் உரையாற்றினார். அப்போது, “நான் ஏதோ படப்பிடிப்பில் இருந்து நேரடியாக வந்து முதல்வர் நாற்காலியில் அமர்ந்துவிட்டது போல சிலர் பேசி வருகிறார்கள்; ஆனால் எனது இந்த வெற்றிக்குக் காரணம் நான் மட்டுமல்ல, மக்களின் அளப்பரிய அன்பும் அரவணைப்புமே ஆகும்” என்று நெகிழ்ச்சியுடன் குறிப்பிட்டார். மேலும், 1990-களில் ரசிகர் மன்றமாக இருந்த காலத்திலிருந்தே மக்கள் பணிகளில் ஈடுபட்டு வருவதாகவும், தனது திரைப்படங்கள் வழியே ஊழல் எதிர்ப்பு, சமூக நீதி மற்றும் கல்வி குறித்து தொடர்ந்து பேசி வந்ததால் சந்தித்த அரசியல் நெருக்கடிகளை அனைவரும் அறிவர் என்றும் அவர் சுட்டிக்காட்டினார்.
தனது அரசியல் நிலைப்பாடு தற்காலிகமானது அல்ல என்பதை விளக்கிய முதல்வர் விஜய், தமிழக வெற்றிக் கழகம் தொடங்கப்பட்ட உடனேயே சிஏஏ திட்டத்திற்கு எதிராக அறிக்கை வெளியிட்டதையும், 2008-ஆம் ஆண்டிலிருந்தே ஈழத் தமிழர்களுக்காகத் தொடர்ந்து குரல் கொடுத்து உண்ணாவிரதம் இருந்ததையும் நினைவுகூர்ந்தார். தற்போதைய அரசியல் சூழலில் கொள்கை ரீதியாகவும், மக்கள் நலன் சார்ந்தும் தவெக எடுத்துள்ள உறுதியான முடிவுகளே தங்களை இந்த இடத்திற்குக் கொண்டு வந்து சேர்த்துள்ளது என்றும் அவர் தனது உரையில் தெளிவுபடுத்தினார்.
இறுதியாக, கடந்த கால ஆட்சி நிர்வாகக் குளறுபடிகளை மிகக் கடுமையாக விமர்சித்த முதல்வர், “2017-ஆம் ஆண்டு முதல் 2026-ஆம் ஆண்டு மார்ச் மாதம் வரை தமிழகத்தை ஆண்ட புண்ணியவான்கள் போட்டுச் சென்ற ஓட்டைகளை அடைக்க வேண்டிய பொறுப்பு நமக்கு இருக்கிறது; எனவே, மக்கள் எனக்குச் சிறிது கால அவகாசம் கொடுக்க வேண்டும்” என்று உருக்கமாகக் கேட்டுக்கொண்டார். எடப்பாடி பழனிசாமி முதல் மு.க.ஸ்டாலின் வரையிலான கடந்த ஒன்பது ஆண்டுகால ஆட்சிகளில் அரசு நிர்வாகத்தில் ஏற்பட்டுள்ள சீர்குலைவுகளைச் சரிசெய்யத் தனக்குக் கூடுதல் காலம் தேவை என்ற முதல்வரின் இந்த வேண்டுகோள், அரசியல் வட்டாரத்தில் தற்பொழுது பெரும் விவாதத்தைக் கிளப்பியுள்ளது.
தமிழக அரசியலில் எப்போதுமே குடும்ப பின்னணி சார்ந்த விமர்சனங்கள் காரசாரமான விவாதங்களை கிளப்பும் நிலையில், தற்போதைய முதல்வர் விஜய் மற்றும்…
ஆந்திரப் பிரதேச மாநிலம் காக்கிநாடா மாவட்டம் பிதாபுரத்தில், குடிக்கத் தண்ணீர் கொண்டு வரச் சற்றுத் தாமதமானதால் பெற்ற தாயையே மகன்…
தமிழகம் மட்டுமின்றி இந்தியா முழுவதும் உள்ள ஏழை எளிய மக்களுக்கு நியாய விலைக்கடைகள் மூலம் அரிசி, கோதுமை உள்ளிட்ட அத்தியாவசியப்…
சட்டப்பேரவையில் இன்று தமிழக முதல்வர் விஜய் ஆற்றிய உரை, தங்களுக்கு பெரும் ஏமாற்றத்தை அளித்துள்ளதாக மாநிலத்தின் பல்வேறு தரப்பு பெண்கள்…
தமிழக அரசியலில் தவெகவின் வரலாற்றுச் சிறப்புமிக்க தேர்தல் வெற்றிக்கு பிந்தைய அரசியல் நகர்வுகள், தற்போதைய இடைத்தேர்தல் சூழலில் புதிய திருப்பத்தை…
மத்திய அமைச்சரவையில் சிறுபான்மையினர் நலத்துறை மற்றும் மீன்வளத்துறை இணை அமைச்சராகப் பதவி வகித்து வந்த கேரள மாநிலத்தைச் சேர்ந்த மூத்த…