31-வது தென் மாநில முதலமைச்சர்கள் மாநாடு மாமல்லபுரம் அருகே உள்ள கோவளத்தில் மத்திய உள்துறை அமைச்சர் அமித்ஷா தலைமையில் நடைபெற்றது. இதில் கலந்து கொண்டு பேசிய தமிழக முதலமைச்சர் விஜய், தென்னிந்திய மாநிலங்கள் இந்தியாவின் மொத்த உள்நாட்டு உற்பத்தியில் (GDP) 30 சதவீதத்திற்கும் அதிகமான பங்களிப்பை வழங்கி, தேசிய பொருளாதாரத்தின் முதன்மை இயங்குசக்தியாகத் திகழ்வதாகக் குறிப்பிட்டார். உற்பத்தி, ஏற்றுமதி மற்றும் சேவைத் துறைகளில் முன்னணி வகிக்கும் தென் மாநிலங்கள், தங்களுக்கு இடையேயான பொதுவான சவால்களை எதிர்கொண்டு கூட்டு பலத்தைப் பயன்படுத்துவதன் மூலம் ஒட்டுமொத்த இந்தியாவிற்கும் அதிக வளர்ச்சி வாய்ப்புகளை உருவாக்க முடியும் என வலியுறுத்தினார்.
மாநிலங்களுக்கு இடையேயான உள்கட்டமைப்பு மற்றும் பாதுகாப்பை மேம்படுத்துவது குறித்துப் பேசிய அவர், பெங்களூருவின் பொம்மசந்திராவிலிருந்து தமிழகத்தின் ஓசூர் வரை திட்டமிடப்பட்டுள்ள மெட்ரோ ரயில் இணைப்பு, தென்னிந்தியாவின் எல்லைகளைத் தாண்டிய கூட்டுறவு உள்கட்டமைப்பிற்குச் சிறந்த முன்னுதாரணமாக அமையும் என்றார். மேலும், இளைஞர்களைப் சீரழிக்கும் ஆன்லைன் போதைப்பொருள் விற்பனை மற்றும் மாநிலங்களுக்கு இடையேயான கடத்தலைக் கட்டுப்படுத்த, பரிந்துரைக்கப்பட்ட மருந்துகளின் ஆன்லைன் விநியோகத்தை ஒழுங்குபடுத்தும் சட்டக் கட்டமைப்பை மத்திய அரசு வலுப்படுத்த வேண்டும் எனக் கேட்டுக்கொண்டார்.
நதிநீர் பங்கீடு மற்றும் கல்வி உரிமைகள் குறித்து உரையாற்றுகையில், உச்சநீதிமன்றத் தீர்ப்புகள் மற்றும் தீர்ப்பாயங்களின் உத்தரவுகளுக்கு அனைத்து மாநிலங்களும் மதிப்பளிக்க வேண்டும் என்றார். குறிப்பாக, காவிரி நீர் மேலாண்மை ஆணையத்தின் முடிவுகளை உரிய நேரத்தில் நடைமுறைப்படுத்துவதும், முல்லைப் பெரியாறு அணை நீர்மட்டத்தை 152 அடியாக உயர்த்துவது தொடர்பான உத்தரவுகளைப் பின்பற்றுவதும் அவசியம் எனக் குறிப்பிட்டார். மேலும், NEET தேர்வு கிராமப்புற மற்றும் பின்தங்கிய மாணவர்களைப் பாதிப்பதால், தமிழகத்தில் 12-ஆம் வகுப்பு மதிப்பெண்கள் அடிப்படையில் மருத்துவச் சேர்க்கை மேற்கொள்ள மத்திய அரசு அனுமதி அளிக்க வேண்டும் என வலியுறுத்தினார்.
இறுதியாக, 2026 தொகுதி மறுவரையறை குறித்த தென் மாநிலங்களின் முக்கிய கவலையை முன்வைத்தார். மக்கள் தொகை கட்டுப்பாடு மற்றும் மனிதவள மேம்பாட்டில் சிறந்து விளங்கிய தென் மாநிலங்கள், தொகுதி மறுவரையறையால் நாடாளுமன்றப் பிரதிநிதித்துவத்தை இழக்கும் அபாயம் உள்ளதை சுட்டிக்காட்டினார். தேசிய இலக்குகளை வெற்றிகரமாக நிறைவேற்றிய மாநிலங்கள் தண்டிக்கப்படக் கூடாது என்றும், மக்கள் தொகையைக் கட்டுப்படுத்தியதற்காக நாடாளுமன்ற இடங்களின் சதவீதம் குறைக்கப்படாது என்பதற்கான தெளிவான சட்டப்பூர்வ உத்தரவாதத்தை மத்திய அரசு வழங்க வேண்டும் என்றும் அவர் உறுதியாகக் கேட்டுக்கொண்டார்
பாதுகாப்பு அமைச்சகத்தில் உதவிப் பிரிவு அலுவலராக பணியாற்றி வந்த 30 வயதான நாசியா கானம் என்ற பெண், துவாரகாவில் உள்ள…
கேரளாவின் மலப்புறம் மாவட்டத்தைச் சேர்ந்த நடுநிலைப் பள்ளி மாணவன் ஒருவன், தான் உயிருக்கு உயிராக நேசித்த 'ஓலா' என்ற பூனையைத்…
சமீபத்தில் கள்ளக்குறிச்சியில் நடைபெற்ற தனது ரசிகரின் திருமண விழாவில் பங்கேற்ற நடிகர் ரவி மோகன், அரசியல் வருகை குறித்த தனது…
ஆந்திரப் பிரதேசத்தின் காக்கினாடா பகுதியில் அமைந்துள்ள எஸ்.கே. செவிலியர் கல்லூரியில், வடகிழக்கு மாநிலங்களைச் சேர்ந்த மாணவிகளுக்கும் உள்ளூர் தெலுங்கு பேசும்…
கடந்த ஆகஸ்ட் 5ஆம் தேதி ஆக்ரா ரயில் நிலையத்தில் நின்றுகொண்டிருந்த தமிழ்நாடு எக்ஸ்பிரஸ் ரயிலில், கேட்பாரற்று கிடந்த சிவப்பு நிற…
காசர்கோடு எம்.ஜி. சாலையில் உள்ள ஹைப்பர் மார்க்கெட் அருகே ஆகஸ்ட் 19 அன்று நிகழ்ந்த வீதி விபத்தில், ஹனிஃபா என்ற…