காலையில் மகிழ்ச்சியாக பள்ளிக்குச் சென்ற 13 வயது சிறுமி… சிறிது நேரத்தில் வந்த போன் கால்… பெற்றோருக்கு காத்திருந்த பேரதிர்ச்சி…!

மகாராஷ்டிரா மாநிலம் மராத்வாடா பகுதியில் உள்ள ஜல்னா மாவட்டத்தில் உள்ள பள்ளியில் படித்து வரும் 7 ஆம் வகுப்பு சிறுமி மாடியில் இருந்து குதித்து உயிரை மாய்த்து கொண்ட சம்பவம் சோகத்தை ஏற்படுத்தியுள்ளது. 7 ஆம் வகுப்பு படித்து வரும் 13 வயது சிறுமி நேற்று வழக்கம்போல வீட்டிலிருந்து பள்ளிக்கு சென்றுள்ளார். சிறுமி வீட்டிலிருந்து சென்ற சிறிது நேரத்தில் அவருடைய தந்தைக்கு பள்ளியிலிருந்து அழைப்பு வந்துள்ளது. அதில் உங்களுடைய மகள் பள்ளியின் மூன்றாவது மாடியில் இருந்து விழுந்து உயிரை மாய்த்துக் கொண்டதாக பள்ளி நிர்வாகம் தகவல் தெரிவித்த நிலையில், செய்தி அறிந்து உடனடியாக பள்ளியை அடைந்த குடும்பத்தினர் சிறுமியை மீட்டு அருகில் உள்ள மருத்துவமனைக்கு அழைத்துச் சென்றனர். ஆனால் சிறுமி ஏற்கனவே உயிரிழந்து விட்டதாக மருத்துவர்கள் தெரிவித்தனர்.

உடனே இந்த சம்பவம் அறிந்து பள்ளிக்கு வரைந்த போலீசார் சிறுமியின் மரணம் குறித்து வழக்கு பதிவு செய்து விசாரணையை தொடங்கினர். உயிரை மாய்த்துக் கொண்டதற்கான காரணம் குறித்து இன்னும் எதுவும் தெரிய வராத நிலையில் சிறுமியின் குடும்பத்தினர் பள்ளியை குற்றம் சாட்டியுள்ளனர். ஆசிரியர்களின் துன்புறுத்தல் காரணமாகத்தான் சிறுமி இந்த முடிவை எடுத்திருப்பார் என்று பெற்றோர்கள் குற்றம் சாட்டுகின்றனர். பள்ளி மாணவர்களுடைய அதிகரித்து வரும் மன அழுத்தம் குறித்து பெற்றோர்கள் மற்றும் பொதுமக்கள் கவலை தெரிவித்துள்ளனர்.