உருவானது புயல் சின்னம்… தமிழகத்தில் 13 மாவட்டங்களில் இன்று வெளுத்து வாங்கும் கனமழை… லிஸ்ட்ல உங்க ஊர் இருக்கா….?

தெற்கு அந்தமான் கடல் மற்றும் அதனை ஒட்டிய பகுதிகளில் வளிமண்டல மேலெடுக்க சுழற்சி நிலவி வந்த நிலையில் அதன் தாக்கத்தால் தென்கிழக்கு வங்க கடலில் குறைந்த காற்றழுத்த தாழ்வு பகுதி உருவாகும் என்று வானிலை ஆய்வு மையம் கணித்திருந்தது. இந்நிலையில் தென்கிழக்கு வங்கு கடலில் குறைந்த காற்றழுத்த தாழ்வு பகுதி உருவானதாக சற்று முன் வானிலை ஆய்வு மையம் தெரிவித்துள்ளது. இந்த காற்றழுத்த தாழ்வு பகுதி நாளை மறுநாள் தாழ்வு மண்டலமாக வலுப்பெற கூடும் எனவும் அதன் பிறகு அடுத்த 48 மணி நேரத்தில் மேற்கு மற்றும் வடமேற்கு திசையில் நகர்ந்து மேலும் வலுப்பெறும் என்று வானிலை ஆய்வு மையம் எச்சரித்துள்ளது.

இந்நிலையில் இன்று 13 மாவட்டங்களில் கனமழை பெய்யும் என வானிலை ஆய்வு மையம் எச்சரிக்கை விடுத்துள்ளது. அதன்படி குமரி, நெல்லை, தென்காசி, நாகை, தஞ்சை மற்றும் திருவாரூர் உள்ளிட்ட மாவட்டங்களில் இன்றும் புதுக்கோட்டை, அரியலூர் மற்றும் கடலூர் உள்ளிட்ட 16 மாவட்டங்களில் நாளையும், மயிலாடுதுறை உள்ளிட்ட 11 மாவட்டங்களில் நாளை மறுநாளும் கனமழை பெய்யும் என்று எச்சரிக்கை விடுத்துள்ளது.