கர்நாடக மாநிலம் பீதர் பகுதியில் உள்ள குருநானக் பள்ளியில் 3 ஆம் வகுப்பு படித்து வந்த 8 வயது சிறுமி ருத்வி, வழக்கம்போல நேற்று பள்ளி பேருந்தில் வீட்டுக்கு திரும்பி உள்ளார். சிறுமி தன் வீட்டின் அருகே பேருந்தில் இருந்து இறங்கிய போது ஓட்டுநர் சிறுமி இறங்கியதை கவனிக்காமல் பேருந்தை வேகமாக இயக்கியுள்ளார். இதனால் சற்று நேரத்தில் நிலை தடுமாறிய சிறுமி கீழே விழுந்து பேருந்தின் பின்பக்க சக்கரத்தில் சிக்கி உடல் நசுங்கினார்.
ரத்த வெள்ளத்தில் உயிருக்கு போராடிய சிறுமியை அந்த பகுதியை மக்களும் பெற்றோரும் மீட்டு அருகிலுள்ள மருத்துவமனைக்கு சிகிச்சைக்காக அழைத்துச் சென்றனர். அங்கு சிகிச்சை பலனின்றி சிறுமி பரிதாபமாக உயிரிழந்தார். இந்த சம்பவம் குறித்து போலீசார் வழக்கு பதிவு செய்து விசாரணை நடத்திவரும் நிலையில் ஓட்டுநரை கைது செய்துள்ளனர். மேலும் இந்த சம்பவம் அப்பகுதியில் சோகத்தையும் அதிர்ச்சியையும் ஏற்படுத்தி உள்ளது.