தமிழகத்தில் கடந்த வாரங்களில் பல மாவட்டங்களிலும் தொடர்ந்து மழை பெய்து வந்த நிலையில் பள்ளிகளுக்கு விடுமுறை அறிவிக்கப்பட்டிருந்தது. அதன்படி கனமழை காரணமாக கடந்த 22 ஆம் தேதி பள்ளிகளுக்கு விடப்பட்ட விடுமுறையை ஈடு செய்யும் வகையில் திருவள்ளூர் மாவட்டத்தில் நவம்பர் 1 நாளை சனிக்கிழமை பள்ளிகள் இயங்கும் என மாவட்ட கல்வி அலுவலர் அறிவித்துள்ளார். கடந்த அக்டோபர் 22ஆம் தேதி தொடர் கனமழை காரணமாக 17 மாவட்டங்களில் விடுமுறை அறிவிக்கப்பட்டிருந்தது. இந்த விடுமுறையை ஈடு செய்யும் வகையில் மற்ற மாவட்டங்களில் இருந்தும் விரைவில் பள்ளிகள் இயங்குவதற்கான அறிவிப்பு வெளியாகும் என தெரிகிறது.
