இந்திய செஸ் வரலாற்றில் ஒரு புதிய சகாப்தமாக ஃபிடே மகளிர் உலக கோப்பை செஸ் இறுதிப்போட்டியில் 19 வயது இளம்புயல் திவ்யா தேஷ் முக், அனுபவ வீராங்கனை கோனேரு ஹம்பியை கீர்த்தி சாம்பியன் பட்டம் வென்று வரலாறு படைத்துள்ளார். ஜார்ஜியாவின் பதுமி நகரில் நடைபெற்ற இந்த இறுதிப் போட்டி கடைசி நொடி வரை ரசிகர்களின் இதயத்துடிப்பை எகிர வைத்தது. இந்தியாவின் இரு பெரும் வீராங்கனைகள் இறுதிப்போட்டியில் மோதியதால் கோப்பை இந்தியாவிற்கு தான் என்பது உறுதியாகிவிட்டது. விறுவிறுப்பாக சென்ற இந்த போட்டியில் ஆட்டத்தை கச்சிதமாக பயன்படுத்திக் கொண்ட திவ்யா தன் வசப்படுத்தினார்.
கச்சிதமாக விளையாடி ஃபிடே மகளிர் உலகக் கோப்பையை வென்ற முதல் இந்திய வீராங்கனை என்ற சரித்திர சாதனையை திவ்யா படைத்துள்ளார். இந்த வெற்றியின் மூலமாக திவ்யா உலகக் கோப்பையை வென்றது மட்டுமல்லாமல் கிராண்ட் மாஸ்டர் பட்டத்தையும் வென்றுள்ளார். வெறும் 19 வயதில் உலக ஜூனியர் சாம்பியன் மற்றும் தற்போது உலகக்கோப்பை சாம்பியன் என இரட்டை மகுடம் சூடி இந்திய செஸ் போட்டியின் எதிர்காலம் பிரகாசமாக இருப்பதை திவ்யா நிரூபித்துள்ளார். இந்த வரலாற்று சிறப்புமிக்க வெற்றி இந்திய விளையாட்டு ரசிகர்களிடையே பெரும் மகிழ்ச்சியையும் உற்சாகத்தையும் ஏற்படுத்தியுள்ளது. இதனைத் தொடர்ந்து திவ்யாவுக்கு பலரும் தங்கள் வாழ்த்துக்களை தெரிவித்த வண்ணம் உள்ளனர்.
Divya’s hug to her mom says everything ❤️#FIDEWorldCup @DivyaDeshmukh05 pic.twitter.com/jeOa6CjNc1
— International Chess Federation (@FIDE_chess) July 28, 2025