“பார்த்து ஏறுங்கடா செத்து தொலைஞ்சிடாதிங்க”… பேருந்தில் நடத்துனரை சரமாரியாக அடித்து உதைத்த பயணிகள்… ஷாக்கிங் வீடியோ…!

மத்திய பிரதேச மாநிலத்தில் பேருந்தில் நடந்த மோதல் குறித்த வீடியோ இணையத்தில் வெளியாகி அதிர்ச்சியை ஏற்படுத்தியுள்ளது. மத்திய பிரதேசம் மாநிலம் ஜபல்பூரில் இயங்கும் ஒரு நகர பேருந்தில் பயணிகளுக்கும் நடத்துனருக்கும் இடையே தகராறு ஏற்பட்டுள்ளது. பேருந்தில் ஏறும்போது பின்பற்ற வேண்டிய விதிமுறைகள் குறித்து ஏற்பட்ட வாக்குவாதம் சில நிமிடங்களில் கைகளப்பாக மாறியது. பேருந்தில் இருந்த சில பயணிகள் ஒன்று சேர்ந்து நடத்துனரை பேருந்தில் இருந்து கீழே இழுத்து வந்து தாக்கியுள்ளனர்.

இந்த வன்முறை சம்பவம் பேருந்துக்குள் பொருத்தப்பட்டிருந்த சிசிடிவி கேமராவில் பதிவாகி இருந்த நிலையில் அந்த வீடியோ தற்போது இணையத்தில் வெளியாகி உள்ளது. இந்த சம்பவம் தொடர்பாக வழக்கு பதிவு செய்துள்ள போலீசார் விசாரணையை தொடங்கியுள்ளனர். மேலும் பொதுமக்கள் நடத்தை மற்றும் பொது இடங்களில் ஏற்படும் வன்முறைகள் தொடர்பாக பலரும் சமூக வலைத்தளத்தில் தங்கள் கண்டனங்களை பதிவிட்ட வண்ணம் உள்ளனர்.