கரூரில் நடந்த TVK பிரச்சார கூட்டத்தில் உயிரிழந்தவர்களின் குடும்பத்தினரை சென்னை அடுத்த மாமல்லபுரத்தில் தனியார் ஹோட்டலில் வைத்து விஜய் நேற்று முன்தினம் சந்தித்து ஆறுதல் தெரிவித்தார். இதற்கிடையில் கூட்ட நெரிசலில் சிக்கி உயிரிழந்த ரமேஷ் என்பவருடைய மனைவி சங்கவி நடிகர் விஜய் அனுப்பி வைத்த 20 லட்சம் பணத்தை அவருக்கே திருப்பி அனுப்பி வைத்துள்ள சம்பவம் அரசியல் வட்டாரத்தில் பேசுபொருளாகியுள்ளது.
இது குறித்து பாஜக மாநில தலைவர் நயினார் நாகேந்திரன் கூறுகையில், சிலர் யாரிடமும் உதவி வழங்காமல் வாழ வேண்டும் என்று நினைப்பார்கள். அந்த நோக்கத்தில் தான் விஜய் அனுப்பிய பணத்தை அந்தப் பெண் திருப்பி அனுப்பி இருக்கலாம் என்று கூறியுள்ளார்.