CINEMA
ஆஹா.. அடிச்சுது பா ஜாக்பாட்.. பிரபல இயக்குனரின் படத்தில் ஹீரோவாக எண்ட்ரி கொடுக்கும் வனிதாவின் மகன்..
தமிழ் சினிமாவில் சர்ச்சை நாயகியாக வலம் வருபவர் நடிகை வனிதா விஜயகுமார். இவர் பிரபல நட்சத்திர தம்பதிகளான விஜயகுமார் மற்றும் மஞ்சுளாவின் மூத்த மகள். விஜய் நடிப்பில் வெளிவந்த சந்திரலேகா என்ற திரைப்படத்தின் மூலமாக சினிமாவில் அறிமுகமான இவர் ஒரு சில திரைப்படங்களில் மட்டும் தான் நடித்தார்.
பின்னர் சினிமாவில் இருந்து விலகிய இவர் பல ஆண்டுகள் கழித்து விஜய் டிவியில் ஒளிபரப்பாகி வந்த பிக் பாஸ் நிகழ்ச்சியில் கலந்து கொண்டார். இந்த நிகழ்ச்சிக்குப் பின்னர் தொலைக்காட்சி நிகழ்ச்சிகளில் பங்கேற்றார். பிக் பாஸ் நிகழ்ச்சிக்கு பிறகு படங்கள், சீரியல், தொலைக்காட்சி என அனைத்திலும் ஒரு கலக்கு கலக்கி வரும் வனிதா சோசியல் மீடியாவிலும் படு பிசியாக இருந்து வருகிறார்.
இவருடைய குடும்ப வாழ்க்கையை பொறுத்தவரை தொடர்ந்து தோல்விகள் மட்டும்தான். நடிகை வனிதா கடந்த 2000 ஆண்டு ஆகாஷ் என்பவரை திருமணம் செய்து கொண்டார். இந்த தம்பதிகளுக்கு ஸ்ரீ ஹரி என்கின்ற மகனும் ஜோவிகா என்ற மகளும் பிறந்தார்கள். பின்னர் 2005 ஆம் ஆண்டு இவர்கள் விவாகரத்து பெற்று பிறந்தனர்.
அதன் பின்னர் நடிகர் ஆகாஷ் தனது மகனை தன்னுடன் அனுப்பி வைக்க வேண்டும் என்று நீதிமன்றத்தில் வழக்கு தொடர்ந்து மகனை அழைத்துச் சென்று விட்டார். இவரது மகன் ஸ்ரீ ஹரி கடந்த சில மாதங்களுக்கு முன்பு கூட ஒரு குறும்படத்தில் நடித்திருந்தார். இந்நிலையில் அவரைப் பற்றி ஒரு லேட்டஸ்ட் தகவல் வெளியாகி உள்ளது. ஸ்ரீஹரி ஹீரோவாக படத்தில் நடிக்க இருக்கிறார்.
அந்த படத்தை தமிழில் மைனா, செம்பி, தொடரி உள்ளிட்ட திரைப்படங்களை இயக்கிய பிரபு சாலமன் இயக்கத்தில் நடிக்க இருப்பதாக தகவல் வெளியான நிலையில் இந்த படத்தை ரோஜா ஃபிலிம் ஃபேக்டரி தயாரிக்க இருப்பதாக ஒரு தகவல் வெளியாகி இருக்கின்றது. இதற்காக தாய்லாந்தில் லொகேஷன் பார்த்திருப்பதாகவும் விரைவில் படப்பிடிப்பு தொடங்கும் என வலைப்பேச்சு பிஸ்மி தெரிவித்திருக்கின்றார்.
