பிரபல இயக்குநரும் நடிகருமான பாக்யராஜ் மாரடைப்பு மற்றும் உடல்நலக்குறைவு காரணமாக சென்னை கிரீம்ஸ் அப்பலோ மருத்துவமனையில் அனுமதிக்கப்பட்டிருந்தார். தொடர்ந்து தீவிர சிகிச்சை அளிக்கப்பட்டு வந்த நிலையில், சிகிச்சை பலனின்றி அவர் காலமானார். அவர் உயிருடன் இருந்தபோது பல்வேறு நேர்காணல்களில் பகிர்ந்துகொண்ட தகவல்களின்படி, அவரது இறுதி காலத்தில் நிறைவேறாமல் போன மூன்று முக்கிய ஆசைகள் தற்போது தெரியவந்துள்ளது.
அவரது முதல் ஆசை, காலமாற்றத்திற்கு ஏற்ப டிஜிட்டல் தளத்தில் தடம் பதித்து, தற்போதைய தலைமுறையின் ட்ரெண்டுக்கு ஏற்றவாறு ஒரு வெப் சீரிஸ் இயக்க வேண்டும் என்பதாகும். இதற்கான பேச்சுவார்த்தைகளிலும் அவர் ஈடுபட்டிருந்தார். இரண்டாவதாக, தமிழ் திரையுலகில் வளர்ந்து வரும் நடிகராக இருக்கும் தனது மகன் சாந்தணுவை, ஒரு தந்தையாக சினிமா துறையில் மிகப்பெரிய வெற்றிகரமான இடத்திற்கு கொண்டு வர வேண்டும் என்று அவர் பெரிதும் விரும்பினார்.
அவரது மூன்றாவது ஆசை, கடைசியாக ஒரு வெள்ளித்திரை படத்தை இயக்க வேண்டும் என்பதாகும். “அடுத்ததாக ஒரு வெப் தொடர் மற்றும் ஒரு புதிய படத்தை இயக்குவதற்கான பேச்சுவார்த்தைகள் சுமுகமாகப் போய்க்கொண்டிருக்கின்றன; இந்த வருடம் பல புதிய முயற்சிகளை மேற்கொள்ளத் தயாராக உள்ளேன்” என்று அவரே குறிப்பிட்டிருந்த நிலையில், இந்த ஆசைகள் நிறைவேறும் முன்பே அவர் மறைந்துள்ளார்.