அமெரிக்காவின் இந்தியானா மாநிலத்தில் உள்ள சவுத் டியர்போர்ன் நடுநிலைப் பள்ளியில், 14 வயது மாணவனுக்குத் தனது நிர்வாணப் புகைப்படங்களை அனுப்பி, காதலிப்பதாகக் கூறி வந்த 21 வயது மாற்று ஆசிரியை காசிடி கார்ட்டருக்கு நீதிமன்றம் இரண்டு ஆண்டுகள் சிறைத்தண்டனை விதித்துள்ளது. கடந்த 2023-ஆம் ஆண்டு ‘ஸ்னாப்சாட்’ செயலி மூலம் அந்த மாணவருடன் தொடர்பிலிருந்த ஆசிரியை, நள்ளிரவு நேரங்களில் ஆபாசப் படங்களையும் குறுஞ்செய்திகளையும் அனுப்பி, அவனுடன் உடலுறவு கொள்ள விரும்புவதாக வற்புறுத்தியுள்ளார். இந்த விவகாரம் குறித்து அதிர்ச்சியடைந்த மாணவன் பள்ளிப் பாதுகாப்பு அதிகாரியிடம் புகார் அளித்ததைத் தொடர்ந்து, போலீஸார் நடத்திய செல்போன் சோதனையில் ஆசிரியையின் அத்துமீறல்கள் ஆதாரங்களுடன் உறுதி செய்யப்பட்டன.
பாதிக்கப்பட்ட மாணவன் பின்னர் அந்தப் பகுதியை விட்டு இடம்பெயர்ந்ததோடு, நீதிமன்ற விசாரணைகளில் தொடர்ந்து பங்கேற்க விருப்பமில்லை எனத் தெரிவித்ததால், அவர் மீதான கடுமையான குழந்தைத் துஷ்பிரயோகக் குற்றச்சாட்டுகள் கைவிடப்பட்டன. இருப்பினும், விசாரணையில் கிடைத்த வலுவான ஆதாரங்களின் அடிப்படையில், தாக்குதல் தொடர்பான குற்றச்சாட்டை காசிடி கார்ட்டர் ஒப்புக்கொண்டதால் அவருக்கு இந்த இரண்டு ஆண்டு சிறைத்தண்டனை வழங்கப்பட்டுள்ளது. ஆசிரியர் – மாணவர் இடையேயான புனிதமான உறவைத் தவறாகப் பயன்படுத்தி, சமூக ஊடகங்கள் மூலம் சிறார்களைக் குறிவைக்கும் இதுபோன்ற குற்றங்கள் அதிகரித்து வருவதாகவும், இதனைத் தடுக்கப் பெற்றோர்களும், பள்ளி நிர்வாகங்களும், மாணவர்களும் மிகுந்த விழிப்புணர்வுடன் இருக்க வேண்டும் என்றும் அதிகாரிகள் எச்சரித்துள்ளனர்.