சர்வதேச அளவில் நிலவி வரும் பொருளாதார மாற்றங்களுக்கு மத்தியில், தங்கம் விலை இன்று சவரனுக்கு ₹240 குறைந்து நுகர்வோருக்குச் சற்று நிம்மதியை அளித்துள்ளது. கடந்த ஒரு வாரத்தில் மட்டும் சவரனுக்கு அதிரடியாக ₹3,840 வரை சரிந்துள்ள நிலையில், இன்றைய நிலவரப்படி 22 கேரட் ஆபரணத் தங்கம் ஒரு கிராம் ₹30 குறைந்து ₹13,220-க்கும், ஒரு சவரன் ₹1,05,760-க்கும் விற்பனை செய்யப்படுகிறது.
பொதுவாக உலகளாவிய பதற்றங்கள் நிலவும் போது தங்கம் விலை அதிகரிப்பது வழக்கம் என்றாலும், தற்போதைய அமெரிக்கா – ஈரான் போர்ச் சூழலில் சர்வதேச சந்தையில் தங்கம் விலை எதிர்பாராத விதமாகக் குறைந்து வருவதன் எதிரொலியாகவே, நம்மூர் உள்நாட்டுச் சந்தையிலும் இந்த விலை வீழ்ச்சி ஏற்பட்டுள்ளதாகப் பொருளாதார வல்லுநர்கள் தெரிவிக்கின்றனர்.