தமிழகத்தில் லஞ்ச ஒழிப்பை தீவிரப்படுத்தும் நோக்கில், தமிழக முதல்வர் விஜய் லோக்ஆயுக்தா அமைப்புக்கு முழு சுதந்திரம் அளிக்கும் வகையிலான புதிய மசோதாவைக் கொண்டு வர திட்டமிட்டுள்ளதாகத் தகவல்கள் வெளியாகியுள்ளன. கர்நாடகா போன்ற பிற மாநிலங்களில் இந்த அமைப்பு முறைகேடுகளுக்கு எதிராக மிக வலுவாகவும், தன்னிச்சையாகவும் செயல்பட்டு வரும் நிலையில், தமிழகத்தில் தற்போதுள்ள லோக்ஆயுக்தா அமைப்பு வெறும் சிவில் நீதிமன்ற அதிகாரங்களுடன் மட்டுமே சுருங்கியுள்ளது.
இதனால், முறைகேடுகள் மற்றும் ஊழல் புகார்கள் மீது லோக்ஆயுக்தா அமைப்பே நேரடியாகத் தானாக முன்வந்து விசாரணை நடத்தி, வழக்குப் பதிவு செய்யும் வகையில் அதற்கு கூடுதல் அதிகாரங்களையும் முழுமையான தன்னாட்சி உரிமையையும் வழங்கும் புதிய சட்ட வரைவை நிறைவேற்ற முதல்வர் விஜய் தலைமையிலான அரசு தீவிர ஏற்பாடுகளைச் செய்து வருவதாகக் கூறப்படுகிறது.