வித்தியாசமான முறையில் “வணங்கான்” பட ப்ரமோஷனில் ஈடுபட்ட அருண் விஜய்.. வைரலாகும் வீடியோ..!

பாலாவின் படங்கள் எதார்த்தமாகவும் எளிமையாகவும் ஆழமான கருத்துக்களை கூறுவதாகவும் இருக்கும். அதே போல் மக்கள் மனதை கலங்கடிக்கும் வகையில் இருக்கும். அப்படிப்பட்ட கதைகளை தான் அவர் தேர்ந்தெடுத்து இயக்குவார். எந்த நடிகரும் பாலாவின் இயக்கத்தில் நடித்து விட்டால் அது திருப்புமுனையாக இருக்கும் என்று கூறுவர். அப்படி தற்போது பாலா அருண் விஜயை வைத்து இயக்கியிருக்கும் திரைப்படம் “வணங்கான்“. இந்த திரைப்படத்தில் அருண் விஜய், ரோஷினி பிரகாஷ், சமுத்திரகனி, ஜான் விஜய், மிஸ்கின், ராதாரவி உள்ளிட்ட பலரும் நடித்துள்ளனர். ஜிவி பிரகாஷ் மற்றும் சாம் சி எஸ் ஆகியோர் இணைந்து இப்படத்திற்கு இசையமைத்துள்ள நிலையில் இந்த திரைப்படம் வருகின்ற பொங்கல் பண்டிகையை முன்னிட்டு ஜனவரி 10ஆம் தேதி வெளியாக உள்ளது.

இப்படத்தில் முதலில் சூர்யா நடிக்க இருந்த நிலையில் அதன் பிறகு சில தவிர்க்க முடியாத காரணங்களால் அவர் விலகியதை தொடர்ந்து அருண் விஜய் தற்போது நடித்து முடித்துள்ளார். இந்த திரைப்படத்திற்கு ரசிகர்கள் மத்தியில் மிகுந்த எதிர்பார்ப்பை எடுத்துள்ள நிலையில் தற்போது படக்குழுவினர் பிரமோஷனில் ஈடுபட்டு வருகின்றனர். அதன்படி அருண் விஜய் இதுவரை எந்த ஒரு நடிகரும் செய்யாத அளவுக்கு வித்தியாசமான முறையில் படத்தின் ப்ரோமோஷனில் ஈடுபட்டுள்ளார். அதாவது பொதுவெளியில் இறங்கி மக்களோடு மக்களாக உரையாடி படத்தை பிரமோஷன் செய்துள்ளார். தற்போது அது தொடர்பான வீடியோ இணையத்தில் வைரலாகி வருகிறது.