BREAKING : வங்கதேசத்தில் மீண்டும் பயங்கரம்… விஷம் கொடுத்து, அடித்துக் கொல்லப்பட்ட இந்து வாலிபர்….. பகீர் சம்பவம்….!

வங்கதேசத்தில் நிலவி வரும் அரசியல் மற்றும் சமூக அமைதியற்ற சூழலுக்கு மத்தியில், சுனம்கஞ்ச் மாவட்டத்தைச் சேர்ந்த ஜாய் மகாபத்ரே என்ற இந்து வாலிபர் கொடூரமாக அடித்துக் கொல்லப்பட்டுள்ள சம்பவம் பெரும் அதிர்ச்சியை ஏற்படுத்தியுள்ளது. கடந்த வியாழக்கிழமை அன்று, அமிருல் இல்லாம் என்பவர் ஜாயை உள்ளூர் கடை ஒன்றிற்கு அழைத்துச் சென்று, அங்கு அவருக்கு விஷம் கொடுத்து தாக்கியதாக ஜாயின் குடும்பத்தினர் குற்றம் சாட்டியுள்ளனர். இது ஒரு திட்டமிட்ட கொலை என்று தெரிவித்துள்ள அவரது உறவினர்கள், குற்றவாளிகள் மீது வங்கதேச அதிகாரிகள் உடனடி மற்றும் கடுமையான நடவடிக்கை எடுக்க வேண்டும் என்று வலியுறுத்தியுள்ளனர்.

இந்தச் சோகமான சம்பவத்தைத் தொடர்ந்து, வங்கதேசத்தில் அண்மைக் காலங்களில் கொல்லப்பட்ட இந்துக்களின் எண்ணிக்கை ஏழாக உயர்ந்துள்ளது. அங்குள்ள சிறுபான்மையினரான இந்துக்களுக்கு எதிரான வன்முறைகள் அதிகரித்து வருவது சர்வதேச அளவில் கவலையை ஏற்படுத்தியுள்ளது. தற்போதைய பதற்றமான சூழ்நிலையில், இந்து சமூகத்தைச் சேர்ந்தவர்களின் பாதுகாப்பை உறுதி செய்ய வேண்டும் என்றும், வன்முறையில் ஈடுபடுபவர்களைத் தண்டித்து நீதி வழங்க வேண்டும் என்றும் மனித உரிமை ஆர்வலர்கள் மற்றும் சமூக அமைப்புகள் தொடர்ந்து கோரிக்கை விடுத்து வருகின்றனர்.