“30 வருஷ உழைப்பா? நேத்து வந்த பயலா?” – நடுவானில் விஜய்யிடம் வெடித்த புஸ்ஸி ஆனந்த்! அதிர்ச்சியில் த.வெ.க நிர்வாகிகள்.!

தமிழக வெற்றிக் கழகத்தின் தலைவர் விஜய் மற்றும் அக்கட்சியின் பொதுச்செயலாளர் புஸ்ஸி ஆனந்த் ஆகியோருக்கு இடையே விமானப் பயணத்தின் போது ஏற்பட்ட காரசாரமான விவாதம் தற்போது அரசியல் வட்டாரத்தில் பெரும் பரபரப்பை ஏற்படுத்தியுள்ளது. தஞ்சாவூர் மாநாட்டை முடித்துவிட்டு சென்னை திரும்பும் வழியில், தனியார் விமானத்தில் பயணித்தபோது இந்தச் சம்பவம் நிகழ்ந்துள்ளது. கடந்த 30 ஆண்டுகளாக விஜய்யுடன் பயணித்து வரும் புஸ்ஸி ஆனந்த், கட்சியில் சமீபத்தில் இணைந்தவர்களின் ஆதிக்கம் குறித்து மிகுந்த மனவருத்தத்துடன் விஜய்யிடம் முறையிட்டதாகத் தெரிகிறது.

குறிப்பாக, வில்லிவாக்கம் சட்டமன்றத் தொகுதியை யாருக்கு ஒதுக்குவது என்பது தொடர்பாக இருவருக்கும் இடையே கருத்து வேறுபாடு ஏற்பட்டுள்ளது. ஆதவ் அர்ஜுனா போன்ற புதிய வரவுகளுக்கு முக்கியத்துவம் அளிக்கப்படுவதை சுட்டிக்காட்டிய புஸ்ஸி ஆனந்த், “30 வருஷ உழைப்பா? நேற்று வந்த பயலா?” என்று ஆவேசமாகக் கேட்டதுடன், “என்னை ஒழித்துக்கட்டப் பார்க்கிறார்கள், நீங்களும் வேடிக்கை பார்க்கிறீர்கள்” என்று கண்ணீர் மல்க விஜய்யிடம் மல்லுக்கட்டியதாகக் கூறப்படுகிறது. தான் போட்டியிட விரும்பிய சோழிங்கநல்லூர், அம்பத்தூர் மற்றும் மயிலாப்பூர் ஆகிய தொகுதிகள் பல்வேறு காரணங்களால் கைநழுவிப் போனது அவரது அதிருப்திக்குக் காரணமாக அமைந்துள்ளது.

புஸ்ஸி ஆனந்தின் இந்தக் குமுறலுக்குப் பின்னால் பெரும் அரசியல் கணக்குகள் இருப்பதாக அரசியல் விமர்சகர்கள் கருதுகின்றனர். சென்னையில் உள்ள தொகுதிகளில் தவெக வலுவாக இருப்பதாகக் கருதப்படும் நிலையில், பாதுகாப்பான தொகுதியைத் தேர்வு செய்வதில் கட்சியின் மூத்த நிர்வாகிகளிடையே கடும் போட்டி நிலவுகிறது. குறிப்பாக, ஆதவ் அர்ஜுனாவின் வருகைக்குப் பிறகு கட்சியில் தமக்கான முக்கியத்துவம் குறைகிறதோ என்ற அச்சம் புஸ்ஸி ஆனந்திற்கு ஏற்பட்டுள்ளதையே இந்த விமானப் பயண களேபரம் வெளிப்படுத்துகிறது.

விமானத்தில் நடந்த இந்தத் திடீர் மோதல் விஜய்யைச் சங்கடத்தில் ஆழ்த்தியிருப்பதாகத் தகவல்கள் தெரிவிக்கின்றன. கட்சியின் இரண்டு முக்கியத் தூண்களாகக் கருதப்படும் புஸ்ஸி ஆனந்த் மற்றும் ஆதவ் அர்ஜுனா ஆகியோருக்கு இடையே ஏற்பட்டுள்ள இந்தப் போட்டி, வரும் சட்டமன்றத் தேர்தலில் தொகுதிப் பங்கீட்டின் போது எதிரொலிக்கும் என எதிர்பார்க்கப்படுகிறது. வில்லிவாக்கம் தொகுதியை விஜய் யாருக்கு வழங்கப்போகிறார் என்பதைப் பொறுத்தே, தவெகவின் உட்கட்சிப் பூசல் முடிவுக்கு வருமா அல்லது தீவிரம் அடையுமா என்பது தெரியவரும்.