அண்ணாமலையை பத்தி பேசக்கூடாது… தமிழிசையை கறாராகக் கடிந்து கொண்ட அமித்ஷா… பாஜகவில் வெடித்த பரபரப்பு..!!

அண்ணாமலையைப் பற்றிப் பேசக்கூடாது என பாஜகவினருக்கு மத்திய உள்துறை அமைச்சர் அமித்ஷா கடுமையான உத்தரவு பிறப்பித்துள்ளதாகத் தகவல் வெளியாகியுள்ளது. சமீபத்தில் தமிழக பாஜக முன்னாள் தலைவர் தமிழிசை சௌந்தரராஜன், அண்ணாமலையை விமர்சித்துப் பேசியிருந்த விவகாரம் பெரும் விவாதப் பொருளாக மாறியது. இது குறித்துப் பேசியுள்ள அமித்ஷா, அண்ணாமலை தனது சொந்த வழியில் செல்லட்டும் என்றும், பாஜகவிலிருந்து விலகியவர்களின் அரசியல் வாழ்க்கைதான் முடிந்திருக்கிறதே தவிர, அதனால் கட்சிக்கு எந்தவிதமான பாதிப்பும் இல்லை என்றும் தங்களது நிர்வாகிகளிடம் கறாராகக் குறிப்பிட்டுள்ளார்.

மேலும் இந்த விவகாரத்தில் தமிழக பாஜகவின் மாநிலத் தலைவரே அமைதி காக்கும் போது, நீங்கள் ஏன் தேவையற்ற விமர்சனங்களை முன்வைக்கிறீர்கள் என்று தமிழிசையை அமித்ஷா கடிந்து கொண்டதாகவும் கூறப்படுகிறது. இந்த அதிரடி உத்தரவின் மூலம் தமிழக பாஜகவிற்குள் நீடித்து வந்த உட்கட்சிப் பூசல்களுக்கு முற்றுப்புள்ளி வைக்க அமித்ஷா முயன்றுள்ளதாக அரசியல் வட்டாரங்கள் தெரிவிக்கின்றன. அமித்ஷாவின் இந்த திடீர் எச்சரிக்கை மற்றும் அறிவுறுத்தல், தற்போதைய தமிழக பாஜக நிர்வாகிகள் மற்றும் தொண்டர்கள் மத்தியில் பெரும் பரபரப்பை ஏற்படுத்தியுள்ளது.