ஆளே அடையாளம் தெரியாமல் மாறிப்போன அழகி பட நடிகர்.. அலட்சியத்தால் மிஸ் செய்த இரண்டு சூப்பர்ஹிட் படங்கள்..

நடிகர் சதீஷ் ஸ்டீபன் அழகி என்ற திரைபடத்தில் இளம் வயது பார்த்திபன் கதாபாத்திரத்தில் நடித்துள்ளார். இந்தப் படத்தில் உள்ள  பாடல் மூலம் ஃபேமஸான சதீஷ் ஸ்டீபன், சொல்ல மறந்த கதை மற்றும் ஒன்பது ரூபாய் நோட்டு போன்ற படங்களில் சிறு கதாபாத்திரத்தில் நடித்துள்ளார்.

2002 ம் ஆண்டு தங்கர் பச்சன் இயக்கத்தில், இளையராஜா இசையமைப்பில் உருவான திரைப்படம் அழகி. இப்படத்தில் முன்னணி நடிகரான பார்த்திபன், நடிகை தேவயானி, நந்திதா தாஸ் போன்ற பலரும் நடித்துள்ளனர். இந்த திரைப்படத்தில் பார்த்திபனின் இளம் வயது கதாபாத்திரத்தில் சதீஷ் ஸ்டீபன் நடித்துள்ளார். “ஒளியில் தெரிவது தேவதையா” என்ற பாடல் மூலம் பிரபலம் அடைந்தார்.

இந்த திரைப்படத்தை தொடர்ந்து  சொல்ல மறந்த கதை மற்றும் ஒன்பது ரூபாய் நோட்டு போன்ற படங்களில் நடித்துள்ளார். மேலும் முன்னணி நடிகரான பார்த்திபன் இவரை அடிக்கடி ஏதாவது ஒரு படத்தின் அடிக்ஷனுக்கு  போகும்படி பரிந்துரை செய்து வந்துள்ளார்.  இவர் சமீபத்தில் கலாட்டாநியூஸ் டிவியில்   பேட்டி அளித்த போது அவர் இழந்த இரண்டு ஹிட்டான  பட வாய்ப்புகள் பற்றி கூறியிருந்தார் .

இயக்குனர் பாலாஜி சக்திவேல் இயக்கத்தில் உருவான “காதல்” திரைப்படத்தில்  ஹீரோவாக நடிக்க பரிந்துரை செய்யப்பட்டதாகவும்,  இந்தத் திரைப்படத்தின் ஆடிஷனுக்கு ஏதோ ஒரு காரணத்தினால்  போக முடியாத சூழ்நிலை ஏற்பட்டது; இதனால் இந்த படம் கையை விட்டு நழுவியது என கூறியிருந்தார்.  அதன் பிறகு, பூபதி பாண்டியன் இயக்கத்தில் வெளியான “தேவதையை கண்டேன்” திரைப்படத்தில் நடிக்க வாய்ப்பு கிடைத்தது. அந்த பட ஆடிஷனில் கலந்து கொண்டேன்.

அந்த சமயத்தில் தான் தனுஷ் வளர்ந்து வரும் நடிகராக இருந்தார். சதீஷ் ஸ்டீபனை விட தனுஷ் அந்த கதாபாத்திரத்திற்கு பொருத்தமாக இருப்பார் என இயக்குனர் நினைத்து அந்த படத்திற்கு தனுஷ் செலக்ட் செய்தார். இந்த படத்தில் நடிக்கும் வாய்ப்பும் கை விட்டு போனது. இதற்காக சதிஷ் வருந்தவில்லை என்றும்  தன்னைவிட அவர்களுக்கு அந்த கதாபாத்திரம் பொருந்திருக்கலாம் என்றும்  மெய்சிலிர்க்க பதிலளித்து உள்ளார்.