ரீ ரிலீசில் சக்க போடு போடும் கில்லி.. மே 1, அஜித் பிறந்தநாளுக்கு வரும் பிளாக்பஸ்டர் மூவி..!

விஜயின் கில்லி ரீ ரிலீஸ்க்கு போட்டியாக நடிகர் அஜித் நடித்த மங்காத்தா படம் வெளியாக உள்ளது. கடந்த 2004 ஆம் ஆண்டு தரணி இயக்கத்தில் விஜய், திரிஷா,பிரகாஷ்ராஜ் உள்ளிட்ட பலர் நடிப்பில் வெளியான திரைப்படம் கில்லி.இந்த திரைப்படம் சூப்பர் டூப்பர் ஹிட் கொடுத்தது. விஜயின் கெரியரில் மிக முக்கிய திரைப்படமாகவும் இந்த திரைப்படம் அமைந்தது.

அப்போது 50 கோடி வசூல் செய்து சாதனை படைத்தது. விஜயின் கெரியரில் முதல் 50 கோடி வசூல் செய்த திரைப்படம் இதுதான்.இந்தப் படத்தை கடந்த 20ஆம் தேதி ரீ ரிலீஸ் செய்தனர்.இதற்கு மக்கள் மத்தியில் ஏகோபித்த வரவேற்பு கிடைத்தது.திரையரங்கு உரிமையாளர்களும் ரசிகர்களும் புது படத்திற்கு எந்த அளவுக்கு வரவேற்பு இருக்குமோ அந்த அளவுக்கு இந்தப் படத்தை கொண்டாடி இருந்தனர்.

இந்நிலையில் வருகிற மே ஒன்றாம் தேதி நடிகர் அஜித்தின் பிறந்த நாளை முன்னிட்டு அவர் நடித்த மங்காத்தா திரைப்படத்தை ரீ ரிலீஸ் செய்ய திட்டமிட்டு இருப்பதாக தகவல் வெளியாகி உள்ளது. கடந்த 2011 ஆம் ஆண்டு வெங்கட் பிரபு இயக்கத்தில் நடிகர் அஜித் மற்றும் திரிஷா உள்ளிட்டோர் நடிப்பில் வெளியான திரைப்படம் மங்காத்தா.இப்படத்தை விஜயின் கில்லி படத்துக்கு போட்டியாக வெளியிட உள்ளதாக தகவல் கிடைத்துள்ளது.இது எந்த அளவுக்கு உண்மை என்பது தெரியவில்லை.

Mahalakshmi

See Full Bio