அதிசயம்.. ஆனால் உண்மை..! லியோ படம் ரிலீஸ் ஆக உள்ள நிலையில்.. வைரலாகும் அஜித் ரசிகர்களின் போஸ்டர்..!!

லோகேஷ் கனகராஜ் இயக்கத்தில் நடிகர் விஜய் நடிப்பில் உருவான படம் லியோ. இந்த படத்தில் சுமார் 14 ஆண்டுகளுக்குப் பிறகு விஜய்க்கு ஜோடியாக திரிஷா நடித்துள்ளார். இந்த படத்தை 7 ஸ்கிரீன் ஸ்டுடியோ தயாரிக்கிறது. இதில் சஞ்சய் தத், பிரியா ஆனந்த், மன்சூர் அலிகான் உள்ளிட்ட பல முன்னணி நட்சத்திரங்கள் நடித்துள்ளனர்.

இந்த படத்திற்கு அனிருத் இசையமைத்துள்ளார். வருகிற 19-ஆம் தேதி லியோ திரையரங்குகளில் ரிலீஸ் ஆக உள்ளது. இசை வெளியீட்டு விழா நடைபெறும் என ரசிகர்கள் எதிர்பார்த்து காத்துக் கொண்டிருந்த நிலையில் இசை வெளியீட்டு விழா ரத்து செய்யப்பட்டது. லியோ படத்திலிருந்து வெளியான அனைத்து பாடல்களுமே ரசிகர்களிடையே மிகுந்த வரவேற்பை பெற்றது.

சமீபத்தில் லியோ படத்தின் ட்ரெய்லர் வெளியாகி ரசிகர்களின் எதிர்பார்ப்பை கூட்டி உள்ளது. படம் ரிலீஸ் ஆக மூன்று நாட்களே உள்ள நிலையில் விஜய் ரசிகர்கள் கொண்டாட்டங்களில் ஈடுபட்டு படத்தை எதிர்பார்த்து காத்துக் கொண்டிருக்கின்றனர். பொதுவாக விஜய் ரசிகர்களுக்கும், அஜித் ரசிகர்களுக்கும் இடையே மோதல் ஏற்படுவது உண்டு.

விஜய், அஜித் உள்ளிட்ட முன்னணி நடிகர்களின் படங்கள் திரையரங்குகளில் ரிலீஸ் ஆகப்போகிறது என்றால் ரசிகர்களை கையில் பிடிக்க முடியாது. அந்த அளவுக்கு கொண்டாட்டங்கள் இருக்கும். முன்னதாக விஜயின் வாரிசு திரைப்படமும், அஜித்தின் துணிவு திரைப்படமும் ஒரே நேரத்தில் ரிலீசானது.

விஜய் படம் ரிலீஸ் ஆகப்போகிறது என்றால் அஜித் ரசிகர்களும், அஜித் படம் ரிலீஸ் ஆகப்போகிறது என்றால் விஜய் ரசிகர்களும் மாறி மாறி நெகட்டிவ் கமெண்ட்களை கூறுவது உண்டு. இந்நிலையில் விஜய் நடித்த லியோ படம் வெற்றி பெற வேண்டும் என அஜித் ரசிகர்கள் அடித்த போஸ்டர் சமூக வலைதளத்தில் வேகமாக பரவி வருகிறது. அனைத்து நடிகர்களின் ரசிகர்களும் இப்படி அன்போடு இருந்தால் நன்றாக இருக்கும் என நெட்டிசன்கள் கமெண்ட் செய்து வருகின்றனர்.