நடிகர் விஜய் மற்றும் அஜித் ஆகிய இருவருக்கும் இடையே இருக்கும் ஆத்மார்த்தமான நட்பு குறித்த சுவாரஸ்யமான தகவல் ஒன்று சமூக வலைதளங்களில் வைரலாகி வருகிறது. ஆதிக் ரவிச்சந்திரன் இயக்கத்தில் அஜித் நடித்து வரும் ‘AK64’ திரைப்படத்தில் ஒரு முக்கியக் கதாபாத்திரத்தில் நடிக்க முன்னணித் தமிழ் நடிகர் ஒருவர் ஒப்பந்தம் செய்யப்பட்டிருந்தார். ஆனால், அந்த நடிகர் தேர்தல் பிரச்சாரத்தின் போது விஜய்யை மிகவும் கடுமையாக விமர்சித்துப் பேசியுள்ளார் என்பது குறிப்பிடத்தக்கது.
விஜய்யைப் பற்றிய அந்த நடிகரின் எதிர்மறையான விமர்சனங்களை அறிந்த அஜித், உடனடியாகச் செயல்பட்டு படக்குழுவினருக்குப் பெரும் அதிர்ச்சியை அளித்துள்ளார். தனது நண்பர் விஜய்யை விமர்சித்த அந்த நடிகரைத் தனது படத்திலிருந்து நீக்கும்படி இயக்குநர் ஆதிக்கிடம் அஜித் கறாராகக் கூறிவிட்டதாகத் தெரிகிறது. அஜித்தின் இந்த அதிரடி முடிவு, திரையுலகினர் மத்தியில் அவர் விஜய் மீது வைத்துள்ள நட்பையும் மரியாதையையும் பறைசாற்றுவதாக அமைந்துள்ளது.