தீபாவளி பண்டிகைக்கு பலரும் சொந்த ஊருக்கு படையெடுக்க தொடங்கியுள்ள நிலையில் ஆம்னி பேருந்து, ரயில், விமானம் ஆகியவற்றில் முன்பதிவு தொடங்கியுள்ளது. ஏற்கனவே ஆம்னி பேருந்தில் டிக்கெட் விலை உயர்ந்த நிலையில் தற்போது விமானக் கட்டணம் ராக்கெட் வேகத்தில் உயர்ந்துள்ளது. சென்னையில் இருந்து மதுரைக்கு சாதாரண நாள்களில் 3,129 ரூபாயாக இருக்கும் கட்டணம் தற்போது 15,683 ரூபாய் வரையிலும், திருச்சிக்கு 15,233 ரூபாயும், கோவைக்கு 17,158 ரூபாயும், தூத்துக்குடிக்கு 17,055 ரூபாய் என டிக்கெட் கட்டணம் உயர்ந்துள்ளதால் பொதுமக்கள் அதிர்ச்சி அடைந்துள்ளனர்.
