சிங்கிள் பசங்களின் மிக மோசமான கனவு… நடுவானில் இளைஞருக்கு நேர்ந்த சம்பவம்… இணையத்தை கலக்கும் ஏர் இந்தியா ராக்கி வீடியோ…!!

சமீபத்தில் ஏர் இந்தியா விமானத்தில் நடந்த ஒரு சுவாரஸ்யமான ரக்‌ஷா பந்தன் கொண்டாட்டம் சமூக வலைத்தளங்களில் வைரலாகி வருகிறது. இந்திய-அமெரிக்க எழுத்தாளரான சுதன்ஷு கௌஷிக் என்பவர் விமானத்தில் பயணம் செய்தபோது, அங்கிருந்த விமானப் பணிப்பெண்கள் அவருக்கு ராக்கி கயிறு கட்டி ஆச்சரியப்படுத்தினர். முப்பதாயிரம் அடி உயரத்தில் வானில் நடந்த இந்த எதிர்பாராத அண்ணன் – தங்கை பாச நிகழ்வு பலரது கவனத்தையும் ஈர்த்துள்ளது.

இந்த நிகழ்வை சுதன்ஷு தனது சமூக வலைத்தளப் பக்கத்தில் வீடியோவாகப் பகிர்ந்துள்ளார். அதில், ஒட்டுமொத்த விமானப் பணிப்பெண்களும் தன்னை ‘சகோதரன்’ ஆக்கிவிட்டதாக நகைச்சுவையாகக் குறிப்பிட்டிருந்தார். இந்த வீடியோவைப் பார்த்த இணையவாசிகள், ஒட்டுமொத்தப் பெண்களும் ஒருவரை அண்ணனாக ஏற்றுக்கொள்வது “ஆண்களுக்கான மிகப்பெரிய பயங்கரக் கனவு” என்று பல வேடிக்கையான கருத்துக்களைப் பதிவிட்டு இணையத்தில் சிரிப்பலையை ஏற்படுத்தினர்.

இந்த வைரல் வீடியோவில் எதிர்பாராத மற்றொரு சுவாரஸ்யமான திருப்பமும் அரங்கேறியது. வீடியோவில் ராக்கி கட்டிய அபூர்வா திவான் என்ற அந்த விமானப் பணிப்பெண்ணை அடையாளம் கண்ட இணையவாசிகள், அவரை அந்தப் பதிவில் டேக் செய்தனர். இதற்குப் பதிலளித்த அந்தப் பணிப்பெண், தாங்களாகச் சென்று கட்டவில்லை என்றும் “அவராகவே தான் முன்வந்து ராக்கி கட்டிக்கொண்டார்” என்ற உண்மையையும் கமெண்டில் போட்டுடைத்தார். இது இந்தச் சம்பவத்தை இணையவாசிகளுக்கு மேலும் நகைச்சுவையான ஒன்றாக மாற்றியுள்ளது.