என்னை விட்டுடுங்க… காப்பாத்துங்க ப்ளீஸ்… கிழிந்த உடையில் அலறிய பெண்… காசியாபாத்தை நடுங்கவைத்த திகில் சம்பவம்…!!

காசியாபாத் ராஜ்நகர் KW ஸ்ருஷ்டி குடியிருப்பில் செப்டம்பர் 15 அன்று அதிகாலை 5 மணியளவில், கிழிந்த ஆடைகளுடன் அழுதுகொண்டே சுற்றித் திரிந்த இளம்பெண் ஒருவர் உதவி கேட்டுள்ளார். ஒரு வீட்டின் கதவைத் தட்டி உடை கேட்ட நிலையில், அவர் துணியை எடுத்துக்கொண்டு வருவதற்குள் அந்தப் பெண் அங்கிருந்து சென்றுவிட்டார். அவர் லிஃப்ட் வழியாக அடித்தளத்திற்கு சென்று வெளியேறும் காட்சிகள் சிசிடிவி கேமராவில் பதிவாகியுள்ளன. கூட்டுப் பாலியல் அத்துமீறல் நடந்திருக்கலாம் என்ற சந்தேகத்தின் பேரில் குடியிருப்புவாசிகள் காவல் நிலையத்தில் புகார் அளித்துள்ளனர்.

சம்பவம் நந்தகிராம் காவல் எல்லைக்குட்பட்ட பகுதியில் நடந்து 3 நாட்களுக்கு மேலாகியும், காவல்துறை இதுவரை முதல் தகவல் அறிக்கை பதிவு செய்யவில்லை என்ற குற்றச்சாட்டு எழுந்துள்ளது. மேலும், விசாரணையை உடனடியாகத் தொடங்குவதற்குப் பதிலாக, குடியிருப்புவாசிகள் கொடுத்த புகாரின் தன்மையை மாற்றுமாறு காவல்துறை அழுத்தம் தருவதாகக் கூறப்படுகிறது. பெண்கள் தொடர்பான தீவிரமான குற்றச்சாட்டுகளில் காட்டப்படும் இத்தகைய அலட்சியம் அப்பகுதி மக்களிடையே பெரும் அதிர்ச்சியையும், பாதுகாப்பு குறித்த அச்சத்தையும் ஏற்படுத்தியுள்ளது.

பெண்கள் மீதான குற்றங்களில் உடனடியாக எஃப்.ஐ.ஆர் பதிவு செய்யப்பட வேண்டும் என்பது உச்ச நீதிமன்றத்தின் தெளிவான வழிகாட்டுதலாகும். இருப்பினும், சட்டப்பூர்வ கடமையைச் செய்யத் தவறுவது மற்றும் புகாரை மாற்ற வற்புறுத்துவது போன்ற நடவடிக்கைகள் காவல்துறையின் மீதான நம்பிக்கையைக் குலைப்பதாக அமைந்துள்ளன. இச்சம்பவத்தில் உடனடியாக வழக்குப்பதிவு செய்து, சிசிடிவி காட்சிகளின் அடிப்படையில் அந்தப் பெண்ணைக் கண்டறிந்து உரிய விசாரணை மற்றும் நீதி வழங்கப்பட வேண்டியது அவசியமாகும்.