எங்க கருத்துதான் சி.வி.சண்முகம் கருத்து..! திமுகவை வீழ்த்த அதிமுக போடும் பிளான்..! எஸ்.பி.வேலுமணி பேட்டி…!!

கோவை விமான நிலையத்தில் செய்தியாளர்களைச் சந்தித்த அதிமுக முன்னாள் அமைச்சர் எஸ்.பி.வேலுமணி, தங்களது அரசியல் நிலைப்பாடு குறித்து பல்வேறு விளக்கங்களை அளித்தார். அதிமுகவின் பொதுச்செயலாளர் எப்போதும் எடப்பாடி பழனிசாமிதான் என்பதில் எந்த மாற்றமும் இல்லை என்று உறுதியாகத் தெரிவித்த அவர், கடந்த சட்டமன்றத் தேர்தல் தோல்விகள் குறித்து விரிவாக ஆராய்ந்து, கட்சியை மேலும் பலப்படுத்துவதற்கான தீவிர நடவடிக்கைகள் எடுக்கப்படும் என்றும் கூறினார்.

தமிழக வெற்றிக் கழகத்திற்கு (தவெக) அதிமுக ஆதரவு அளிப்பது குறித்துப் பேசிய வேலுமணி, எந்தவொரு பதவிக்காகவும் தாங்கள் தவெக-வை ஆதரிக்கவில்லை என்று தெளிவுபடுத்தினார். திமுக எதிர்ப்பு என்ற ஒரே பொதுவான புள்ளியின் அடிப்படையிலேயே தாங்கள் அந்த ஆதரவை வழங்கியதாகக் குறிப்பிட்ட அவர், திமுக அரசை வீழ்த்துவதே தங்களின் முக்கிய நோக்கம் என்பதை மறைமுகமாகச் சுட்டிக்காட்டினார்.

அதிமுகவிற்குள் எந்தவிதமான பிளவும் இல்லை என்று திட்டவட்டமாக மறுத்த அவர், கட்சியின் மூத்த தலைவர் சி.வி.சண்முகத்துடன் ஆலோசித்தே அனைத்து முடிவுகளும் எடுக்கப்படுவதாகக் கூறினார். சபாநாயகரிடம் கொடுக்கப்பட்ட மனுக்களைச் சரிபார்த்துக் கொடுத்ததே சி.வி.சண்முகன் தான் என்றும், தங்களது ஒட்டுமொத்த கருத்துதான் சி.வி.சண்முகத்தின் கருத்து என்றும் கூறி கட்சியில் ஒற்றுமை நிலவுவதை அவர் உறுதிப்படுத்தினார்.