நிச்சயதார்த்தம் வரை சென்று நின்று போன த்ரிஷாவின் திருமணம்.. பல வருடம் கழித்து அவரே கூறிய காரணம்..!

தமிழ் சினிமாவில் மிகவும் பிரபலமான நடிகர்களில் ஒருவராக வலம் வருபவர் நடிகை திரிஷா. தென்னிந்தியாவின் குயின் என்று அழைக்கப்பட்டு வரும் இவர் தமிழ், தெலுங்கு உள்ளிட்ட மொழிகளில் முன்னணி நடிகையாக வலம் வருகிறார். சினிமாவில் 25 ஆண்டுகளுக்கும் மேலாக பயணித்து வருகிறார் திரிஷா. விஜய் திரிஷா ஜோடி மக்கள் மத்தியில் ஹிட்டாக தொடர்ந்து திருப்பாச்சி, ஆதி, குருவி என அடுத்தடுத்து இணைத்து நடித்தனர்.

அதன்பின் பல வருடங்கள் கழித்து லியோ படத்தில் மீண்டும் இந்த ஜோடி இணைந்தது. விஜய் த்ரிஷா ரசிகர்கள் சந்தோசத்தில் துள்ளி குதித்தனர். கடைசியாக திரிஷா GOAT படத்தில் கேமியோ ரோலில் நடித்து மட்ட பாடலுக்கு அருமையான குத்தாட்டம் போட்டிருப்பார். இதனைத் தொடர்ந்து இறுதியாக அஜீத் நடிப்பில் வெளியான விடாமுயற்சி மற்றும் குட் பேட் அக்லி ஆகிய திரைப்படங்களில் ஹீரோயினியாக நடித்திருந்தார். தற்போது சூர்யாவுடன் இணைந்து சூரியன் 45 வது திரைப்படத்தில் நடித்து வருகின்றார். இப்படியான நிலையில் சமீபத்தில் த்ரிஷா தன்னுடைய 42வது பிறந்த நாளை கொண்டாடினார்.

இந்நிலையில் திரிஷாவின் திருமணம் குறித்து நல்ல செய்தி வராதா என ரசிகர்கள் காத்திருக்கின்றனர். இப்படி இருக்க இதற்கு முன்பு நடக்க இருந்த நிறுத்தப்பட்ட தன்னுடைய திருமணம் குறித்து த்ரிஷா பேசிய விஷயம் தற்போது இணையத்தில் வைரல் ஆகி வருகிறது. அதாவது நடிகை திரிஷாவிற்கு கடந்த 2015 ஆம் ஆண்டு தயாரிப்பாளர் வருண் மணியனன் என்பவருடன் நிச்சயதார்த்தம் நடைபெற்றது. நிச்சயதார்த்த புகைப்படங்களை கூட இணையத்தின் பகிர்ந்திருந்தார்.

ஆனால் இது திருமணம் வரை செல்லவில்லை. இந்த திருமணம் நடக்காது என திரிஷா அறிவித்துவிட்டார். அதற்கான காரணத்தை சமீபத்திய பேட்டி ஒன்றில் திருஷா கூறியுள்ளார். அதில், நானே என்னுடைய திருமணத்தை நிறுத்தி விட்டேன். திருமணத்திற்கு பிறகு சினிமாவில் படங்களில் நடிக்க கூடாது என்று எனக்கு கணவராக வர இருந்தவர் பல கண்டிஷன்கள் போட்டார். ஆனால் நான் நடிப்பை நிறுத்துவதற்கு பதில் திருமணத்தை நிறுத்தி விட்டேன். ஒருவேளை திருமணம் ஆகி கர்ப்பமானால் கூட அந்த காலத்திற்கு மட்டுமே பிரேக் எடுப்பேன். அப்போது கூட நான் சினிமாவில் இருந்து விலக மாட்டேன் என்று திரிஷா கூறியுள்ளார்.